వరుడి గడ్డమే అడ్డామా..? పెళ్లి చేసుకోనని అలిగిన వధువు..

Posted: 03/14/2018 11:57 AM IST

పెళ్లంటే నూరేళ్ల పంట.. పెళ్లితో పెద్దలు, తప్పట్లు, తాళలు, వేద పండితుల మంత్రోచ్చరణలు, హోమాలు, ఏడు అడుగులు ఇలా అన్ని కలసి పంచభూతాల సాక్షిగా రెండు మనస్సులు ఒక్కటి కావడమే కల్యాణం. అంతకుముందు ఒకరికొకరు తెలియని వధువరులు.. పెళ్లి బంధంలో జీవితాంతం ఒకరికోకరుగా జీవిస్తారు. ఇటీవల బీహార్ లో ఉన్నత కుటుంబానికి చెందిన పెళ్లిలో జరిగిన ఘటనే తాజాగా మధ్యప్రదేశ్ లోని ఖాండ్వా జిల్లాలో కూడా చోటుచేసుకుంది. బీహార్ లో న్యూరాలజిస్టును పెళ్లి చేసుకునే సమయంలో అతనికి గడ్డం వుండటంతో పెళ్లికి నిరాకరించింది వధువు. దీంతో వరుడు ఏలాంటి అక్షేపణ లేకుండా క్లీన్ షేవ్ చేసుకుని రావడంతో అ పెళ్లి అనుకున్నట్లుగానే ముగిసింది.

ఇక తాజాగా మధ్యప్రదేశ్ లోని ఖాండ్వా జిల్లా అజంటీ గ్రామంలో మాత్రం ఇదే గడ్డం పెళ్లికి అడ్డంగా మారింది. ముహూర్తం దాటిపోయినా.. గడ్డం విషయంలో వధూవరులు సమోద్యకు రాకపోవడంతో.. చివరకు పోలీసులు జోక్యం చేసుకుని వరుడ్ని ఒప్పించడంతో మరుసటి రోజు ఉదయం మరో ముహూర్తానికి వివాహం జరిగింది. అసలేం జరిగిందంటే.. వివాహ వేదిక వద్దకు వరుడు మంగల్‌సింగ్ బంధువులతో సహా ఊరేగింపుగా వచ్చాడు. అయితే వరుడికి గడ్డం ఉండటాన్ని గమనించిన వధువు రూపాలీ... తనను వివాహం చేసుకోనంటూ అలిగికూర్చుంది. వరుడు మంగల్ సింగ్ షేవింగ్ చేసుకుంటేనే తాను వివాహం చేసుకుంటానని చెప్పింది.

పెళ్లి జరిగే కల్యాణ వేదిక వద్ద వధువు షరుతు విన్న వరుడు ససేమిరా అన్నారు. తనకు గడ్డమే అందమని, దానిని ఎలా తీస్తానని మంకుపట్టుపట్టాడు. అంతేకాదు తాను వరుడ్ని.. తన మాట వదువు తరపువారు వినాలి తప్ప.. వధువు తరపు వారి మాటలను తాను లక్షపెట్టడమేంటని అక్షేపించాడు. దీంతో పెళ్లి వేడుకలో గందరగోళం ఏర్పడింది. దీంతో ఇరువర్గాల మధ్య వివాదం మొదలైంది. కల్యాణమండపంలో కాకూడదని ఏదో జరుగుతుందన్న అందోళన నేపథ్యంలో గ్రామస్థులు పోలీసుల సాయం కోరారు. దీంతో పోలీసులు వరుడికి నచ్చజెప్పడంతో గడ్డం తీసుకునేందుకు అంగీకరించాడు వరుడు. దీంతో రూపాలీ, మంగల్ సింగ్ లు మరుసటి రోజున మరో ముహూర్తానికి ఒక్కటయ్యారు.