కసాయి కత్తి.. అత్యాచారం చేశాడని అరోపించిన నటి

Posted: 04/14/2018 05:56 PM IST

టాలీవుడ్ లో కాస్టింగ్ కౌచ్ పై శ్రీరెడ్డికి మద్దుతు ప్రకటిస్తూ టీవీ షోలలో పాల్గోని తన వాదనలు వినిపిస్తున్న సినీ విమర్శకుడు కత్తి మహేష్ పై కూడా అమ్మాయిలను లోబర్చుకున్న వ్యక్తేనని క్యారెక్టర్ ఆర్టిస్ట్ సునీత సంచలన వ్యాఖ్యలు చేశారు. ఓ టీవీ షో చర్చా కార్యక్రమంలో పాల్గొన్న ఆమె కత్తి మహేష్‌ తో పాటుగా లైవ్ టీవీ షోలో పాల్గోని అతనిని ఎదురుగానే పెట్టుకుని మరీ.. అరోపణలు గుప్పించారు. కత్తి మహేష్ తనను వాళ్లింటికి రమ్మని పిలివడంతో తాను వెళ్లానని.. అయితే అదే అదనుగా తనను గదిలోకి పిలిచి తనను బలవంతం చేయశాడని, అడ్డకోబోతే తనను కొట్టి బలాత్కారం చేశాడని అరోపించారు.,

మహేష్ గురించి సునీత వ్యాఖ్యలు ఆమె మాటల్లోనే...‘‘కత్తి మహేష్ సంవత్సరం క్రితమే నాకు ఫేస్‌బుక్ ద్వారా పరిచయమయ్యారు. ఆయన అంతకు ముందు హైటెక్ సిటీలో ఓ ప్రోగ్రాం చేసేవారు. ఒకసారి నేను అమీతుమీ ఆడియో ఈవెంట్‌లో మహేష్ కలిసినపుడు ఆయనకు చాలా క్రేజ్ ఉన్నట్టుంది అనుకున్నాను. అప్పటి వరకూ ఆయన నాకు జస్ట్ ఫేస్‌బుక్ ఫ్రెండ్ మాత్రమే. ఆయన గురించి ఏమీ తెలియదు. ఈయనేంటి బిగ్‌బాస్‌కి రావడమేంటని నేను షాక్ అయ్యాను. ఎలిమినేషన్ అయ్యాక.. నేను మీ బిగ్‌బాస్ చూశాను సార్. చాలా బాగుంది అని కాల్ చేసి చెప్పాను. బిగ్‌బాస్ షోలో ఫోన్‌లో మాట్లాడినపుడు మీ వైఫ్‌తో లక్నోకి వెళ్తాను అన్నారు కదా.. ఎందుకు హైదరాబాద్‌కి వచ్చారు అని అడిగాను. ‘నాపై ఎక్కువ కాంట్రవర్సీలు వచ్చాయి కదా బిగ్‌బాస్‌లో అందుకే వెనక్కి వచ్చాను అన్నారు. కలుస్తావా నన్ను..’ అని అడిగారు. కత్తి మహేష్ ఇలా చేస్తే నేనెవరికి చెప్పుకోవాలి?
 
కత్తి మహేష్‌ పై కంప్లైంట్ ఇవ్వడానికి లీగల్‌గా వెళ్లాను. ఆ సమయంలోనే జనసేన పవన్ కల్యాణ్ సార్‌కి, కత్తి మహేష్‌కి కాంట్రవర్సీ జరుగుతోంది. కానీ మహేష్‌పై కంప్లైంట్ తీసుకోలేమని పోలీసులు చెప్పారు. అంతకు ముందొకసారి నన్ను పిలిచి వాళ్లింటి బయట మాట్లాడాడు. ఆ తర్వాత నన్ను రమ్మని ఫేస్‌బుక్‌లో అడ్రస్ పెట్టాడు. కావాలంటే నేను ఫేస్‌బుక్‌లో మెసేజ్ చూపిస్తా. వెళ్లాక కమిట్‌మెంట్ ఇస్తావా? అని అడిగాడు. నేను ముందే చెప్పాను ఎవరికి పడితే వారికి కమిట్‌మెంట్ ఇవ్వనని.. దానికి నేను అంగీకరించను. అప్పుడు నన్ను డోర్ వేసి.. కొట్టి.. బలవంతం చేశాడు. తర్వాత బస్ టికెట్‌కి రూ.500 ఇచ్చి పంపించాడు. కత్తి మహేష్‌పై అన్ని ప్రూఫ్‌లు చూపిస్తా’’ అని సునీత పేర్కొంది.