ITEMVIDEOS: జంకు బొంకులేని యువజంట.. నడిరోడ్డుపై రోమాన్స్..

Posted: 05/04/2019 02:51 PM IST

దేశరాజధాని.. నిత్యం పరదేశవాసులు పలు పనులుపై సంచరించే ప్రాంతం.. మన దేశ ఘనత ఎలాంటిదో.. మన దేశ సంస్కృతి, సంప్రదాయం ఎలాంటిదో కూడా తేటతెల్లం చేసే ప్రాంతం.. ఇలాంటి ప్రాంతంలో మన అడపడచులకు భద్రత లేదని.. అక్కడ జరుగుతున్న ఘటనలే స్పష్టం చేస్తున్నాయి. నిర్భయ ఘటన చోటుచేసుకని ఏడేళ్లు గడిచినా. ఆడపడచుల విషయంలో ప్రభుత్వం మాత్రం కఠిన నిర్ణయాలు తీసుకోవడంలో.. మహిళలు, యువతుల రక్షణ కల్పించడంలో మాత్రం విఫలం అయ్యిందన్న విమర్శలు మాత్రం వినిపిస్తూనే ఉన్నాయి.  

ఇదిలావుంటే అదే దేశరాజధాని వీధుల్లోని రోడ్లపై ఓ ప్రేమ జంట చేసిన రొమాన్స్ పరాకాష్టకు చేరుకుంది. సభ్యతా, సంస్కారం మరచి నడిరోడ్డుపై అదరచుంభనాలతో వెళ్లడం అదే దారిలో వెళ్లే అనేక మందికి ఇబ్బందికరంగా పరిణమించింది. వారిని చూస్తూ పట్టించుకోకుండా వెళ్లే వారితో పెద్ద సమస్య లేదు కానీ వారినే చూస్తూ.. తమ వాహనాలను ఎటు నడుపుతున్నారో తెలియని వారితో ఇతర వాహనదారులకు ఇబ్బందులు తలెత్తాయి. దీంతో ట్రాఫిక్ కు కూడా అంతరాయం ఏర్పడింది.

అసలేం జరిగిందంటే.. ఢిల్లీ రోడ్లపై.. బైక్‌పై వెళ్తూనే ఆ జంట ముద్దుల్లో మునిగిపోయింది. చుట్టూ జనాలు ఉన్నారని, తాము బైక్‌ రైడింగ్‌ లో ఉన్నామన్న విషయాన్ని మర్చిపోయి ముద్దులాటలో మునిగిపోయింది. ఓ ఐపీఎస్ అధికారి వారి రొమాన్స్‌ను వీడియో తీసి సోషల్ మీడియాలో పోస్టు చేయడంతో వైరల్ అవుతోంది. మోటారు వెహికల్ చట్టంలో కొన్ని మార్పులు తేవాల్సి ఉందంటూ ఆయన చేసిన ట్వీట్‌పై కామెంట్లు హోరెత్తుతున్నాయి.

పశ్చిమ ఢిల్లీలోని రాజౌరీ గార్డెన్ సమీపంలో జరిగిందీ ఘటన. యువతి బైక్ పెట్రోల్ ట్యాంకుపై కూర్చుంటే యువకుడు డ్రైవ్ చేస్తూనే సరస సల్లాపాల్లో మునిగిపోయాడు. లిప్ లాక్ లతో ఇద్దరూ రెచ్చిపోయారు. యువకుడు బైక్‌ను నియంత్రిస్తూనే తన ప్రియురాలితో శృంగారంలో మునిగితేలుతూ వాహనాన్ని నడపడంతో వెనుక వాహనాలకు ఇబ్బందులు తలెత్తాయి. సాయంత్రం వేళ ట్రాఫిక్ రద్దీ ఎక్కువగా ఉన్నప్పటికీ ఎటువంటి జంకుగొంకు లేకుండా వారిద్దరూ రొమాన్స్‌లో మునిగిపోవడాన్ని చూసిన వాహనదారులు ఆశ్చర్యపోయారు.