అయోధ్య తీర్పుకు ముందు ‘సుప్రీం’ సంచలన నిర్ణయం

Posted: 11/09/2019 01:28 PM IST

Sc dismisses shia waqf board petition challenging 1946 faizabad court order

అయోధ్యలోని వివాదాస్పద భూమి రామ మందిరానిదేనని దేశసర్వోన్నత న్యాయస్థానం తీర్పును వెల్లడించింది. ఈ సందర్భంగా తీర్పు వెలువరించేందుకు ముందు భారత ప్రధాన న్యాయమూర్తి రంజన్ గొగోయ్ సంచలన నిర్ణయం తీసుకున్నారు. 1946లో ఫైజాబాద్ కోర్టు ఇచ్చిన తీర్పును దాఖలు చేస్తూ షియా వక్ఫ్ బోర్డు దాఖలు చేసిన స్పెషల్ లీవ్ పిటిషన్ ను కొట్టివేసింది. అలాగే, నిర్మోహి అఖాడా దాఖలు చేసిన పిటిషన్‌ను కూడా తిరస్కరించింది. అయోధ్య కేసుపై ఐదుగురు న్యాయమూర్తుల ధర్మాసనం ఏకగ్రీవ తీర్పు ఇస్తున్నారు.

ఈ సంద్భంగా తీర్పును వెలువరించిన భారత ప్రధాన న్యాయమూర్తి రంజన్ గొగోయ్ మట్లాడుతూ రాజకీయాలు, చరిత్రకు అతీతంగా న్యాయం ఉండాలని సూచనలు చేశారు. ప్రాథమిక విలువలు, మతసామరస్యాన్ని ప్రార్థనా మందిరాల చట్టం పరిరక్షిస్తుందని వ్యాఖ్యానించారు. రాముడు అయోధ్యలోనే జన్మించాడన్న హిందువుల విశ్వాసం నిర్వివాదాంశమని సుప్రీంకోర్టు ప్రధాన న్యాయమూర్తి జస్టిస్ గొగోయ్ అన్నారు. ప్రధాన గుమ్మటం కింద గర్భాలయం ఉందని హిందువులు విశ్వసిస్తున్నారని చెప్పారు.

గతంలో ఈ వివాదాస్పద స్థలంలో రెండు మతాలూ ప్రార్థనలు చేసేవని తెలిపారు. ఈ కేసు దేశంలో పెద్ద సంఖ్యలో ఉన్న హిందూ భక్తుల కోసం ఉద్దేశించిందని గొగోయ్ అన్నారు. ఇది వ్యక్తిగత హక్కుల కోసం దాఖలు చేసిన వ్యాజ్యం కాదని చెప్పారు. మసీదును ఎవరు కట్టారో, ఎప్పుడు కట్టారో స్పష్టం కాలేదని ఇప్పటికే హైకోర్టు చెప్పిందని తెలిపారు. రెవెన్యూ రికార్డుల ప్రకారం వివాదాస్పద స్థలం ప్రభుత్వానికి చెందిందన్నారు.