యెమెన్ విమానాశ్రయంలో బాంబు పేలుడు.. 22 మంది మృతి..

Posted: 12/31/2020 08:46 PM IST

Yemen bomb blast attack at aden airport kills 22 wounds 50

అరబ్ దేశమైన యెమెన్ లోని ఏడెన్ విమానాశ్రయంలో బాంబు పేలుళ్లు, తుపాకీ కాల్పుల మొతమోగాయి. దేశంలో కొలువుదీరిన కొత్త క్యాబినెట్ ను టార్గెట్ గా చేసుకుని ఉగ్రవాద ముష్కరమూకలు పేట్రేగిపోయాయి. ఉగ్రవాదులు జరిపిన ఈ బీభత్సకాండలో ఏకంగా 26 మంది పౌరులు దుర్మరణం చెందారు. ఈ ప్రమాదంలో మరో 50 మందికి గాయాలు అయ్యాయి. పేలుడుకు కారణాలు తెలియలేదు. ఇధిలావుండగా రంగంలోకి దిగిన భద్రతాదళాలు ప్రధాని సహా ఇతర క్యాబినెట్ మంత్రులను విమానాశ్రయం నుంచి సురక్షిత ప్రాంతాలకు తరలించారు.

ఇలా వారు సురక్షిత ప్రాంతం అనుకుని చేరుకున్న ప్యాలెస్ సమీపంలో మరో బాంబు పేలింది. దీంతో నూతన క్యాబినెట్ ను టార్గెట్ చేసుకునే బాంబు దాడులు జరుగాయని యెమెన్ అధికారి ఒకరు వ్యాఖ్యానించారు. ప్రధాని, క్యాబినెట్ మంత్రులు వస్తున్న విమానం ల్యాండ్ అయిన తరువాత బాంబు పేలి ఉంటే పరిస్థితి అత్యంత ఘోరంగా ఉండేదని దేశ సమాచార శాఖ మంత్రి నగుబీ అల్ అవగ్ వ్యాఖ్యానించారు. ఇక ప్యాలెస్ వద్ద బాంబు పేలుడు ఘటనలో ప్రాణనష్టం జరుగలేదని అధికారులు వెల్లడంచారు.

ప్రస్తుతం విమానాశ్రయాన్ని సైన్యం తన అధీనంలోకి తీసుకుందని అల్ అవగ్ వెల్లడించారు. కాగా, ఈ పేలుళ్లను ఐక్యరాజ్య సమితి సహా పలు అరబ్ దేశాలు ఖండించాయి. మృతుల కుటుంబాలకు సంతాపాన్ని తెలిపాయి. 2014 నుంచి యెమెన్ లో పౌరయుద్ధం జరుగుతోంది. వేర్పాటువాదులు, ఇరాన్ ను బలపరుస్తున్న హౌతీ రెబెల్స్ మధ్య పట్టుకోసం పోరాటం సాగుతోంది. దేశంలో జరిగిన అంతర్యుద్ధం కారణంగా దాదాపు 1.12 లక్షల మంది అమాయక ప్రజలు ప్రాణాలను కోల్పోయారు.