https://www.teluguwishesh.com/
TV Reporter Robbed at Gunpoint Live on Air గన్ పాయింట్ లో టీవీ రిపోర్టర్.. సిబ్బంది దోపిడీ
ఈ మధ్యకాలంలో ప్రజలకు, ప్రభుత్వాలకు మధ్య ప్రజాసమస్యలను ఎలుగెత్తి చాటుతున్న మీడియా జర్నలిస్టులను వారుధులుగా గుర్తించని వారు ఎక్కువగానే వున్నారు. ఆ మాట అటుంచితే.. ఇక వీరిని టార్గెట్ చేసుకునే దొంగల సంఖ్య కూడా అధికం అవుతోంది. మొన్నామధ్య అర్జెంటీనా టీవీ రిపోర్టర్ లైవ్ షోకు సిద్దమవుతుండగా, ఓ అగంతకుడు రిపోర్టర్ ఫోన్ ను అందుకుని పలాయనం చిత్తగించిన ఘటన చోటుచేసుకుంది. అంతకుముందు ఓ మహిళా జర్నలిస్ట్ లైవ్ షో చేస్తుండగా, ఓ అగంతకుడు అమెకు చుంబనం ఇచ్చి వెళ్లి కటకటాల పాలైన విషయం కూడా తెలిసిందే.
తాజాగా మరో ఘటనలో లైవ్ షో కొనసాగుతున్న సమయంలో అక్కడకు వచ్చిన ఓ ఘరానా దొంగ టీవీ ఛానెల్ సిబ్బంది, విలేకర్లను దోచేసి తుర్రుమన్నాడు. ఈక్వెడార్ లో చోటుచేసుకున్న ఈ షాకింగ్ సంఘటనకు సంబంధించిన వీడియో ఇప్పుడు నెట్టింట్లో సంచలనమైంది. పట్టపగలు, బహిరంగంగా వారిని తుపాకీతో బెదిరించి.. వారి వద్దనున్న డబ్బు, వస్తువులు దోచుకోవటం అందులో చూడొచ్చు. ఎంత త్వరగా దోచేశాడో అంతే త్వరగా అక్కడి నుంచి పారిపోయాడు. అప్పటికే అతనికోసం వేచి చూస్తున్న మరో ఇద్దరు మిత్రుడితో కలసి బైక్ పై జారుకున్నాడు.
వివరా్లలోకి వెళ్తే.. డైరెక్ట్ టీవీ స్పోర్ట్స్ అనే క్రీడా ఛానెల్ లో రిపోర్టర్ గా పనిచేస్తున్న డిగో ఆర్డినోలా తన టీవీ ఛానెల్ సిబ్బందితో ఓ పుట్ బాల్ స్టేడియం వద్దకు చేరుకున్నాడు. ఈక్వాడార్ లోని గువాయాక్విల్ పట్టణంలోని పుట్ బాల్ స్టేడియం వద్దనున్న ఎస్డాడియో మాన్యుమెంటల్ భవనం ఎదుట.. ఫుట్ బాల్ మ్యాచ్ పై విశ్లేషణ అందిస్తున్నాడు. ఈ కార్యక్రమంలో లైవ్ లో వెళ్తుండగా.. ఓ దొంగ ఆ ప్రసారానికి అడ్డువచ్చాడు. మాస్క్ ధరించిన అతను ఆర్డినోలా వైపు రివ్వాల్వర్ గురిపెట్టాడు. మైక్రోఫోన్ ను లాగేసి ‘‘టెలిఫోన్’’ అంటూ అరిచి దానిని సొంతం చేసుకున్నాడు.
అనంతరం అక్కడున్న మిగిలిన సిబ్బంది వైపు తుపాకీ గురిపెట్టి వారి ఫోన్లు, పర్సులు కూడా తీసుకున్నాడు. ఈ ఘటన అంతా కెమేరాలో రికార్డయింది. ఆ తర్వాత రోడ్డువైపు పరిగెత్తిన దొంగ .. అక్కడ సిద్ధంగా ఉన్న మోటార్ సైకిల్ వెనుక కూర్చుని ఉడాయించాడు. ‘‘మేము కనీసం ప్రశాంతంగా పని కూడా చేసుకోలేకపోతున్నాము. ఇది మధ్యాహ్నం 1:00 గంటకు మాన్యుమెంటల్ స్టేడియం వెలుపల జరిగింది.’’ అంటూ ఆ విలేకరి సామాజిక మాధ్యమాల్లో వాపోయాడు. కాగా పోలీసులు ఆ దొంగను పట్టుకుంటామని హామీ ఇచ్చారట.
Ni siquiera podemos trabajar tranquilos, esto ocurrió a las 13:00 de hoy en las afueras del Estadio Monumental.
— Diego Ordinola (@Diegordinola) February 12, 2021
La @PoliciaEcuador se comprometió a dar con estos delincuentes. #Inseguridad pic.twitter.com/OE2KybP0Od
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more
GOLD : Rs./gm
