మానవాళిపై యుద్దానికి చైనా సృష్టించిన బయో వెపన్ కరోనా వైరస్: అస్ట్రేలియా పత్రిక

Posted: 05/10/2021 12:52 PM IST

Leaked chinese document reveals a sinister plan to unleash coronaviruses

కరోనా వైరస్ మహమ్మారి నేపథ్యంలో చైనాపై నిత్యం రుసరుసలాడిన అగ్రరాజ్యం మాజీ అధ్యక్షుడు డోనాల్డ్ ట్రంప్ బాటలో తాజాగా అస్ట్రేలియాకు చెందిన ప్రముఖ పత్రిక వీకెండ్ పయనించింది. కరోనా చైనా ల్యాబ్ లో జన్మించిన వైరస్ అని ఆయన చేసిన అరోపణలను వీకెండ్ పత్రిక సమర్థించింది. ప్రపంచాన్ని ప్రమాదం అంచుల్లోకి నెట్టేసిన కరోనా మహమ్మారిపై వీకెండ్ ప్రచురించిన కథనం కలకలం రేపుతోంది. ప్రపంచంపై తమ అజమాయిషీ చలామణి అయ్యేందుకు చైనా కృత్రిమంగా సృష్టించిన బయో వెపనే కరోనా వైరస్ అని వీకెండ్ పేర్కొనడం ప్రపంచవ్యాప్తంగా తీవ్ర కలకలం రేపుతోంది.

ఈ విషయాన్ని ఇప్పటికే పలు దేశాలు అంతర్గతంగా అనుమానాలను వ్యక్తం చేస్తున్నా బాహాటంగా మాత్రం ఎలాంటి కామెంట్ చేయడం లేదు. అయితే అస్ట్రేలియాకు చెందిన వీకెండ పత్రికలో ఈ కథనం ప్రచురితం కావడం ప్రపంచవ్యాప్తంగా చర్చనీయాంశమైంది. కరోనా మహమ్మారి విషయంలో చైనాపై ఇప్పటి వరకు ఉన్న అనుమానాలు నిజమేనని ఈ కథనం చెబుతోంది. అందుకు చైనాలో ఓ నివేదికను కూడా అస్ట్రేలియా పత్రిక తాజాగా వెలుగులోకి తీసుకువచ్చింది. 2015లో చైనా శాస్త్రవేత్తలు, ఆరోగ్య నిపుణులు రూపొందించిన ఓ నివేదికలో కరోనా వైరస్ ను బయో వెపెన్ గా అభివర్ణించారు. మనుషులపై దీని ప్రభావం భయానకంగా వుంటుందుందని, లక్షల్లో మనుషులు మరణిస్తారని పేర్కోనివుంది. ఈ వైరస్‌ను ఓ ఆయుధంగా వాడుకోవాలన్న కుట్ర ఈ నివేదికలో స్పష్టంగా కనిపిస్తోందని పత్రిక పేర్కొంది.

మూడో ప్రపంచ యుద్ధంలో ఈ బయో వెపన్ ను వినియోగించుకునేందుకు చైనా శాస్త్రవేత్తలు కరోనా మహమ్మారిని అభివృద్ధి చేసిందని, ఇందుకు స్పష్టమైన ఆధారాలున్నాయని రాసుకొచ్చింది. ఆరేళ్ల క్రితమే చైనా మిలటరీ శాస్త్రవేత్తలు దీని గురించి చర్చించారని కూడా వివరించింది. కరోనాలోని కొత్త స్ట్రెయిన్లను ఎలా ప్రయోగించాలన్న దానిపైనా వారి మధ్య తీవ్ర చర్చ జరిగిందని తెలిపింది. వైరస్ మూలాలపై బయటి సంస్థలు దర్యాప్తు జరిపితే దాని గుట్టు ఎక్కడ బయటపడిపోతుందోననే ఉద్దేశంతోనే బయటి సంస్థల దర్యాప్తును చైనా వ్యతిరేకించిందని పత్రిక పేర్కొంది. ఆ వైరస్ ఓ మాంసం మార్కెట్లో పుట్టిందని ప్రపంచాన్ని నమ్మించేందుకు ప్రయత్నించిందని పత్రిక తన కథనంలో పేర్కొంది.