మళ్లీ పెరిగిన ఇంధన దరలు.. వంద మార్కుకు చేరువలో డీజిల్

Posted: 06/09/2021 11:32 AM IST

Fuel prices touch fresh record highs diesel too nears rs 100 litre mark in rajasthan

ఇంధన ధరల విషయంలో కేంద్రం చెస్తున్న ప్రకటనలు కానీ కేంధ్ర పెట్రోలియం శాఖమాత్యులు ధర్మేంద్ర ప్రధాన్ చేస్తున్న వ్యాఖ్యలపై ప్రజలకు నమ్మకం సన్నగిల్లుతోంది. గత ఎన్నికలకు ముందు ఇంధన ధరలను జీఎస్టీ పరిధిలోకి తీసుకువచ్చే విషయమై కేంద్రం ఆలోచిస్తుందంటూ చెప్పుకోచ్చిన ఆయన.. ఆ తరువాత అందుకు రాష్ట్రాలు అంగీకరించడం లేదని చెప్పారు. ఈ ఇటీవల జరగిన ఐదు రాష్ట్రాల ఎన్నికలకు ముందు.. ఇకపై పెంచేది లేదని, ధరల పెంపుకు ప్రత్యామ్నాయ మార్గాలను అన్వేషిస్తున్నామని చెప్పినా అవి నీటిమూటలేనని తేలిపోయాయి.

ఎన్నికల ఫలితాలు వెలువడిన తరువాత వరుసగా ఇంథన దరలను పెంచూతూ వస్తోంది. దేశంలోని అనేక రాష్ట్రాలలో లాక్ డౌన్ అములో వున్నా తమ ధరలకు మాత్రం ఎక్కడా చెక్ పెట్టేది లేదని నిర్ణయించుకున్న ఇంధన కెంపెనీలు ఏకంగా మే నెలలో 16 సార్లు ఇంధన ధరలను పెంచూతూ నిర్ణయం తీసుకున్నాయి, ఇక జూన్ నెలో తాజా పెంపుతో ఆరు సార్లు ఇంధన ధరలు పెంచాయి. గత ఏడాది మాత్రం లాక్ డౌన్ లో ఇంధన ధరల పెంపుకు బ్రేకులు వేసిన కేంద్రం.. అన్ లాక్ తరువాత క్రమంగా పెంచుతూ వచ్చింది.

ఫలితంగా పలు రాష్ట్రాలలో ఇంధన ధరలు రూ. 100 మార్కును అధిగమించాయి. పెరిగిన ధరలతో అటు ఆంధ్రప్రదేశ్, ఇటు తెలంగాణ సహా లేహ్ ప్రాంతంలోనూ లీటరు పెట్రోల్ ధర ఏకంగా వంద రూపాయల మార్కును దాటింది. అటు మహారాష్ట్రలో తాజా పెంపుతో రూ.101 వరకు లీటరు పెట్రోల్ కు చేరుకుంది. అంతర్జాతీయంగా పెద్దగా ధరల ప్రభావం లేకపోయినా దేశంలో మాత్రం ఇంధన ధరలకు రెక్కలు వస్తున్నాయి. ఈ మేరకు పెట్రోల్‌, డీజిల్ ధరలను పెంచుతూ చమురు సంస్థలు నిర్ణయం తీసుకున్నాయి. ప్రభుత్వ చమురు కంపెనీలు ఇవాళ పెట్రోల్ డీజిల్ ధరలను మరోసారి పెంచాయి. దేశీయ మార్కెట్లో పెట్రోల్, డీజిల్ ఇంధన ధరలు రెండూ పెరిగాయి.

ఇప్పటికే రికార్డు స్థాయికి ధరలు చేరగా.. మరోసారి పెట్రోల్‌ లీటర్‌కు 26 పైసలు, డీజిల్‌ లీటర్‌కు 27 పైసల వరకూ పెంచాయి. మే నెల నుంచి ఇప్పటివరకు చమురు ధరను మొత్తంగా 22 సార్లు పెంచిన సంస్థలు మే నెల నుంచి క్రమంలో పెట్రోల్ పై ఏకంగా రూ.5.00, డీజిల్ పై రూ.5.50 వరకు పెంచాయి చమురు సంస్థలు. దీంతో దేశీయంగా పెట్రోల్-డీజిల్ రికార్డు స్థాయికి చేరుకున్నాయి. అదే సమయంలో, రాజస్థాన్ మరియు మధ్యప్రదేశ్ రెండు రాష్ట్రాల్లోని అనేక నగరాల్లో పెట్రోల్ ధరలు ఆకాశాన్ని తాకుతూ సెంచరీ మార్కును దాటేసి పైకి ఎగబాకుతున్నాయి. ఇదే సమయంలో ఆంధ్రప్రదేశ్, తెలంగాణ రాష్ట్రాలలో కూడా పెట్రోల్ ధర ఏకంగా రూ.100 దాటింది.

తాజాగా దేశవ్యాప్తంగా మెట్రో నగరాలతో పాటు తెలుగు రాష్ట్రాల్లో ఇంధన ధరలు ఎలా వున్నాయంటే...

ఢిల్లీలో లీటరు పెట్రోల్ ధర 95.56గా నమోదు కాగా, లీటరు డీజిల్ ధర రూ. 86.47కు చేరింది.
ముంబైలో లీటరు పెట్రోల్ ధర 101.76గా నమోదు కాగా, లీటరు డీజిల్ ధర రూ. 93.85కు చేరింది.
చెన్నైలో లీటరు పెట్రోల్ ధర 96.94గా నమోదు కాగా, లీటరు డీజిల్ ధర రూ. 91.15కు చేరింది.
కొల్ కతాలో లీటరు పెట్రోల్ ధర 95.52గా నమోదు కాగా, లీటరు డీజిల్ ధర రూ. 89.32కు చేరింది.
అమరావతి గుంటూరులో పెట్రోల్ ధర రూ, 101.58 కాగా, లీటరు డీజిల్ ధర రూ. 96.16కు చేరింది.
విశాఖపట్నంలో లీటరు పెట్రోల్ ధర 100.49గా నమోదు కాగా, లీటరు డీజిల్ ధర రూ. 94.08కు చేరింది.
హైదారాబాద్ లో లీటరు పెట్రోల్ ధర 99.31గా నమోదు కాగా, లీటరు డీజిల్ ధర రూ. 94.26కు చేరింది.