అది వుండగా.. ఇది ఎందుకు? : జగన్

Posted: 04/22/2015 06:51 PM IST

ఆంధ్రప్రదేశ్ రాష్ట్రాభివృద్ధి కోసం చంద్రబాబు సర్కార్ ఎన్నోరకాల ప్రణాళికలు చేపట్టిన విషయం తెలిసిందే! ఇందులో భాగంగా రాజధాని నిర్మాణం, స్మార్ట్ సిటీలు, విమానాశ్రయాల ఏర్పాటు ఇంకా తదితర కార్యక్రమాలను చేపట్టనుంది. అయితే.. ఎయిర్ పోర్టుల విషయంలో బాబు సర్కార్ బాగానే కసరత్తు చేస్తున్నట్లు తెలుస్తోంది. ఇప్పటికే అందుకు సంబంధించిన పనులు ముమ్మరంగా జరుగుతున్నాయని వార్తల వినికిడి! మొత్తం 14 ఎయిర్ పోర్టులు నిర్మించాలని భావించిన టీడీపీ ప్రభుత్వం.. అందులో ఒకటి విజయనగరం జిల్లా భోగాపురంలో నిర్మించేందుకు ప్లాన్ చేస్తోంది.

ఈ క్రమంలోనే ఈ విషయంపై వైపీసీ అధినేత వైఎస్ జగన్ మోహన్ రెడ్డి టీడీపీ సర్కార్ కి సూటిగా ఓ ప్రశ్న వేశారు. విశాఖపట్నంలో విమానాశ్రయం వుండగా.. విజయనగరం జిల్లా భోగాపురంలో ఎయిర్ పోర్టు నిర్మాణం ఎందుకని ఆయన అన్నారు. ఉత్తరాంధ్రలో పర్యటించిన నేపథ్యంలో ఆయన ఈ మేరకు ప్రశ్న సంధించారు. విజయనగరంలో మీడియాతో మాట్లాడిన ఆయన.. ఎయిర్ పోర్ట్ పేరిట భోగాపురంలో 15 వేల ఎకరాలను సేకరించడం ఎంతవరకు సమంజసమని ప్రశ్నించారు. విశాఖలో ఎయిర్ పోర్టు పెట్టుకుని, మళ్లీ భోగాపురంలో విమానాశ్రమాన్ని నిర్మించేందుకు యత్నిస్తున్న టీడీపీ సర్కార్ యోచన దిక్కుమాలిన ఆలోచన అని జగన్ విమర్శించారు.

AS