భాస్కర శతకము

Posted: 04/15/2014 11:14 AM IST

ఉరుకరుణాయుతుండు సమయోచిత మాత్మఁదలంచి యుగ్రవా

క్పరుషతఁ జూపినన్ ఫలము గల్గుట తథ్యముగాదె; యంబుదం

బురిమినయంతనే కురియకుండునె వర్షము లోకరక్షణ

స్థిరతర సౌరుసంబున నశేషజనంబు లెఱుంగ భాస్కరా!

టీకా : ఉరుకరుణాయుతుండు = గొప్ప దయతో కూడినవాడు ; సమయోచితం = కాలానికి తగిన తనం ; ఆత్మన్ తలంచి = మనసును తెంచి ; ఉగ్రవాక్పరుషతన్ = గొప్పమాటల కాఠిన్యం ; చూచినన్ = కనిపించినప్పుడు ; ఫలము గల్గుట = ప్రయోజనం కలిగినప్పుడు ; తథ్యముగాదె = సంభవం కాదా? ; అంబుదంబు = మేఘము ; ఉఱిమినయంతన్ = ఉరిమిన వెంటనే ; లోకరక్షణ = ప్రపంచ రక్షణకు ; స్థిరతర = నిలకడగా వున్న ; పౌరుషంబున = శక్తితో ; లెఱుంగన్ = లోకంలో వున్నవారందరూ తెలుసుకోవడం ; కురియుకుండునె = వర్షం కురవదా అన్నట్టు

తాత్పర్యము : దయామయుడైన ఒక దొర సమయానుసారం కఠినంగా మాట్లాడినప్పటికీ, అవసరమొచ్చినప్పుడు ప్రతిఒక్కరికీ కొరత లేకుండా అన్ని అర్హతలు సమకూరుస్తాడు. అదెలాగంటే.. మేఘాలు ఉరిమినప్పుడు భయాన్ని కలిగించినప్పటికీ.. వెంటనే వర్షాన్ని కురిపించి సంతోషాలు తెస్తుందా కదా!