Posted: 11/20/2011 02:30 PM IST

నందనసేన్‌ ప్రముఖ ఆర్థికశాస్తవ్రేత్త అమర్త్యాసేన్‌ కుమార్తె. ఆమె నటించిన ‘రంగ్‌ రసియా’ చిత్రం పూర్తయి దాదాపు మూడు సంవత్సరాలు కావస్తున్నా ఆ చిత్రం ఇంకా విడుదలకు నోచుకోలేదు. చిత్రకారుడు రాజా రవివర్మ జీవితాన్ని తెరకెక్కించారు దర్శకుడు కేతన్‌ మెహతా. ఈ చిత్రం విడుదల కాకముందే అంతర్జాతీయ స్థాయిలో అభినందనలు అందుకుంది. ఈ చిత్రాన్ని వచ్చే సంవత్సరం ఫిబ్రవరిలో విడుదల చేసేందుకు సన్నాహాలు చేస్తున్నారు. అయితే ఇందులో సహజత్వం కోసం నందనసేన్‌ శృంగారాన్ని మోతాదుకు మించి ప్రదర్శించింది. ఇప్పటికే ఆ ఫొటోలను చూసిన బెంగాలీ అభిమానులు మాత్రం ఆమెపై గుర్రుమంటున్నారు. అయితే నందనసేన్‌ మాత్రం పాత్ర పరిధిమేరకు నగ్నత్వాన్ని అందంగా చూపించడం తప్పు కాదంటోంది.