Posted: 02/09/2012 01:17 PM IST

నటుడు సాయికుమార్ తో అమీతుమీ తేల్చుకునేందుకే రెడీ అవుతున్నాడు మెగాపవర్ స్టార్ రామ్ చరణ్ తేజ్. ఎందుకని అంటారా.. ‘ఎవడు’ సినిమాకోసం. ఆ మూవీలో విలన్ పాత్రలో సాయికుమార్ నటించబోతున్నారు. వంశీ పైడిపల్లి దర్శకత్వంలో రూపుదిద్దుకోబోతోన్న ఈ సినిమాలో మరో విశేషం ఏమంటే.. స్టైలిష్ స్టార్ అల్లు అర్జున్ ఈ మూవీలో ఓ ప్రత్యేక పాత్రలో కనిపించటం.

రామ్ చరణ్ సరసన సమంత, ఏమి జాక్సన్ ప్రధాన పాత్రలలో నటిస్తున్నారు. దేవి శ్రీ ప్రసాద్ సంగీతాన్ని అందిస్తున్నారు. దిల్ రాజు నిర్మిస్తున్న ఈ చిత్రం ఫిబ్రవరి 23 నుండి చిత్రీకరణ మొదలు కానుంది. ‘ప్రస్థానం’ సినిమా అనంతరం సాయికుమార్ నటిస్తోన్న చిత్రమిది. ఈ సినిమాలో అధ్బుతమైన ఫెర్ఫామెన్స్ ఇవ్వాలని సాయికుమార్ గట్టి పట్టుదలతో ఉన్నట్టు ఫిల్మ్ నగర్ వర్గాల సమాచారం.

..avnk