Posted: 04/28/2012 06:40 PM IST

       ఎన్టీఆర్ - బోయపాటి శ్రీను కాంబినేషన్లో తెరకెక్కిన 'దమ్ము' చిత్రం అనుకున్న విజయాన్ని సొంతం చేసుకుంటుందని దర్శక నిర్మాతలు సంతోషాన్ని వ్యక్తం చేశారు.  నిన్ననే విడుదలైన ఈ మూవీ తొలి రోజునే ఈ సినిమా హిట్ టాక్ సొంతం చేసుకుందంటూ ఈ సినిమా యూనిట్ ఈ రోజు ఉదయం సక్సెస్ మీట్ ని ఏర్పాటు చేసింది.
       ఈ సందర్భంగా చిత్ర సమర్పకులు కె. ఎస్. రామారావు మాట్లాడుతూ, ప్రపంచ వ్యాప్తంగా ఈ సినిమాని 1400 థియేటర్స్ లో విడుదల చేయడం జరిగిందనీ, మొదటి రోజునే 12 నుంచి 13 కోట్లు షేర్ వసూలు చేసిందని చెప్పారు. తొలి రోజున ఒక్క ap లోనే ఈ సినిమా 9 కోట్లు షేర్ సాధించడం ఆనందంగా ఉందనీ, బోయపాటి శ్రీను - ఎన్టీఆర్ కాంబినేషన్లో ఈ సక్సెస్ రావడం సంతోషాన్నిస్తోందని అన్నారు.
      ఇక దర్శకుడు బోయపాటి మాట్లాడుతూ, ఎన్టీఆర్ కి ఉన్నమాస్ ఇమేజ్ ఈ సినిమాకి భారీ ఓపెనింగ్స్ తెచ్చిపెట్టాయని అన్నారు. తాను ఆశించినట్టుగానే ఈ సినిమా మాస్ ఆడియన్స్ తో పాటు క్లాస్ ప్రేక్షకులని కూడా ఆకట్టుకుంటోందంటూ ఆనందాన్ని వ్యక్తం చేశారు. త్రిష - కార్తిక ఇద్దరూ కూడా తమ పాత్రలకి న్యాయం చేశారని చెప్పారు.

       'సింహా' సినిమాతో తనకంటూ ఓ గుర్తింపు నిచ్చిందని ‘దమ్ము’ దానిని నిలబెట్టిందని బోయపాటి ఆనందం వ్యక్తం చేశారు.

...avnk