Posted: 05/04/2012 03:48 PM IST

     సూరి హత్యకేసు ప్రధాన నిందితుడు భాను పోలీసులకు చిక్కిన తదనంతర పరిణామాలు చాలా ఆశక్తి దాయకంగా మారుతున్నాయి. దీని ప్రభావం ఆది నుంచీ సినీ రంగంమీద కూడా ఉంది. మొదట్లో,  సూరి హత్య జరిగిన కొద్ది రోజులకే నిర్మాత సి. కళ్యాన్ పేరు తెరపైకి వచ్చింది. భానూకీ-కళ్యాణ్ కు ఉన్నలింకులపై విచారణ కూడా జరిగింది. ఇక ఇప్పుడు భాను దొరికిపోవడంతో మళ్లీ వీరి సంబంధాల తాలూకు విచారణ కొత్త పుంతలు తొక్కుతోంది.
       ఈ నేపథ్యంలో మరో నిర్మాత నట్టికుమార్ తనకు వచ్చిన బెదిరింపులను తాజాగా బయటపెట్టారు.  తాను కూడా సి.కళ్యాన్ బాధితుడినేననీ, గతంలో భానూతో కలిసి తనని సి. కళ్యాన్ బెదిరించాడని నిర్మాత నట్టి కుమార్ ఆరోపించారు. సి. కళ్యాన్ చేసిన మొసపూరిత పనులు తనకీ తెలుసనీ.. విచారణ నిమిత్తం CID వారు పిలిపిస్తే ఆ విషయాలన్నీ చెప్పేందుకు తాను సిద్ధంగా వున్నానని నట్టి తెలిపారు. భానూతో లింకులున్న కారణంగా విచారణని ఎదుర్కుంటోన్న సి. కళ్యాన్ కి సౌత్ ఇండియా ఫిల్మ్ చాంబర్ అధ్యక్ష పదవిలో కొనసాగే అర్హత లేదనీ, అయితే ఈ విషయంలో ఆయనని దాసరి వెనకేసుకువస్తున్నారని ఆరోపించారు.
       తప్పుడు డాక్యుమెంట్లు సృష్టించి 3 బ్యాంకుల నుంచి సి. కళ్యాన్ 100 కోట్లకి పైగా అప్పు తీసుకున్నారనీ  ఇప్పుడా బ్యాంకులకి కుచ్చు టోపీ పెట్టేందుకు ప్రయత్నిస్తున్నారని నట్టికుమార్ ఆరోపించారు. ఈ అక్రమ చర్యలు సినీ పరిశ్రమను అబాసుపాలు చేసే ప్రమాదముందని నట్టి ఆవేదన వ్యక్తం చేశారు.

...avnk