Posted: 06/27/2012 08:41 PM IST

      నందమూరి నటసింహం బాలకృష్ణ 100  నూరవ చిత్రం చాలా ప్రతిష్టాత్మకంగా నిర్మించబోతున్నారని సంకేతాలు అందుతున్నాయి. దీనికి ప్రముఖ దర్శకుడు రాజమౌళి దర్శకత్వం వహిస్తారని తెలుస్తోంది. దీంతో ఈ చిత్రం మీద టాలీవుడ్ లో ఆసక్తికర చర్చ జరుగుతోంది. తన వందవ చిత్రాన్ని ఇటీవల 'శ్రీరామరాజ్యం' సినిమాని నిర్మించిన యలమంచిలి సాయిబాబాకు చేయాలని బాలకృష్ణ ఇప్పటికే నిర్ణయం తీసుకున్న సంగతి తెలిసిందే..
      ఈ చిత్ర కథాంశానికి సంబంధించి ప్రస్తుతం చర్చలు జరుగుతున్నట్టు తెలుస్తోంది. విజయనగర సామ్రాజ్యాధినేత శ్రీకృష్ణదేవరాయల చరిత్ర ఆధారంగా ఈ సినిమా ఉండబోతుందని సమాచారం. ఇప్పటికే రాజమౌళి తన తరువాత ప్రాజక్టు చారిత్రక అంశాన్ని బేస్ చేసుకుని ఉంటుందని ఇటీవల ఈగ ప్రమోషన్ కు  బెంగుళూరు వెళ్లినప్పుడు చేసిన వ్యాఖ్యలు వీరి కాంబినేషన్ లో సినిమా వస్తోందనేదానికి మరింత ఊతమిస్తున్నాయి.
     అంతా అనుకున్నట్టు జరిగితే, బాలయ్య బాబు సినీ జీవితంలో మరపురాని సినిమాగా ఈ ప్రాజక్టు నిలిచిపోవాలని ఆశించటం అతిశయోక్తి కాదేమో..    

...avnk