Posted: 08/03/2012 07:58 PM IST

      బాలీవుడ్ బ్యూటీ కత్రినాకైఫ్ నటించేందుకు తీసుకుంటున్న పారితోషకం ఎంతో తెలిస్తే వామ్మో అనిపించక మానదు. ఈ భామ అంతకంతకూ తన క్రేజీని పెంచుకుంటూనే వుంది. తాజాగా అత్యధిక రెమ్యూనరేషన్ తీసుకుని సరికొత్త రికార్డు క్రియేట్ చేసింది. సినిమాల్లోనే కాదు యాడ్ ప్రపంచంలోనూ దూసుకుపోతున్న ఈ బ్యూటీ తాజాగా యాడ్ రెమ్యూనరేషన్ విషయంలోనూ రికార్డు క్రియేట్ చేసింది. తాజాగా కత్రినా  పేయింటింగ్ ప్రొడక్ట్ బెర్జర్ తో భారీ డీల్ కుదుర్చుకుంది. బాలీవుడ్ వర్గాల నుంచి అందిన సమాచారం ప్రకారం సదరు కంపెనీ బ్రాండ్ అంబాసిడర్ గా కత్రినా వ్యవహరించినందుకు గాను ఏడాదికి ఏడు కోట్ల రెమ్యూనరేషన్ ఇచ్చేందుకు ముందుకు వచ్చినట్లు సమాచారం. ఇప్పటి వరకు బాలీవుడ్ హీరోయిన్లలో బ్రాండ్ ఎండార్స్ మెంట్ల విషయంలో కరీనాకపూర్ టాప్ లో ఉంది. కరీనా గతంలో ఓ కోలా బ్రాండ్ తో 5 కోట్లతో డీల్ కుదుర్చుకుంది. తాజాగా ఆ రేట్ ను బీట్ చేసింది కత్రినా కైఫ్. భారీగా ఫ్యాన్ ఫాలోయింగ్ ఉండటంతో పాటు, సెక్సియెస్ట్ ఉమెన్ గా వరుసగా నాలుగోసారి నిలవడంతోనే  కత్రినాకు సదరు కంపెనీ భారీ రెమ్యూనరేషన్ ఇవ్వడానికి ముందుకు వచ్చినట్టు తెలుస్తోంది. రావడానికి కారణం ఆమెకు మే. ఇప్పటి వరకు కత్రినా చేతిలో 12 బ్రాండ్ ఎండార్స్ మెంట్లు ఉన్నాయి. ఈ విధంగా ఇటు సినిమాలతో అటు యాడ్లతో చేతి నిండా సంపాదిస్తోంది బ్యూటీ.
     కాగా, సెక్సీయెస్ట్ హీరోయిన్ గా కత్రినా వరుసగా నాలుగవ సంవత్సరం కూడా ఎంపికై అందరి దృష్టిని ఆకర్షించింది. అంతేకాదు బాలీవుడ్ ఐటం స్టెప్పులేస్తూ కుర్రకారును ఉర్రూతలూపుతోంది. తాజాగా కత్రినా సల్మాన్ ఖాన్ తో కలిసి ‘ఏక్ థా టైగర్' చిత్రంలో నటించింది. ఈ సినిమా ఈ నెల 15న ప్రేక్షకుల ముందుకు రాబోతోంది.

...avnk