Posted: 08/16/2012 10:11 PM IST

       పవర్ స్టార్ పవన్ కళ్యాణ్ ఫ్యాన్స్ కిది థండర్ న్యూస్. ఎందుకంటే.. శ్రీనువైట్ల తో తమ అభిమాన హీరో సినిమా రావాలని చాలా కాలంగా పవన్ అభిమానులు ఎదురు చూస్తున్నారు. దీనికి ఊతమిస్తూ.. తాను ఎంతో కాలం నుంచీ పవన్ కళ్యాణ్ తో సినిమా చేసేందుకు ప్రయత్నిస్తున్నాని, అందుకు ఎంతో కాలంగా ఎదురు చూస్తున్నానని, ఇందుకోసం పవన్ క్లోజ్ ఫ్రెండ్ ద్వారా కూడా ట్రై చేసానని సాక్షాత్తూ శ్రీను వైట్ల ఓ చిత్ర ఆడియో కార్యక్రమంలో వెల్లడించారు. ఇప్పుడు ఈ క్రేజీ కాంబీ రూపుదాల్చే సూచనలు అగుపిస్తున్నాయి. ఎంటర్ టైన్మెంట్ సినిమాలలో నటించడంలో తనదైన శైలిని ప్రదర్శించే పవన్ కల్యాణ్... ఆ తరహా సినిమాలు జనరంజకంగా రూపొందించడంలో దిట్ట అనిపించుకున్న శ్రీను వైట్ల కలిస్తే, ఇక ఆ సినిమా ఎలా వుంటుందో మనం ఊహించుకోవచ్చు. గత కొంత కాలంగా ఈ కాంబినేషన్లో సినిమా చేయడానికి జరుగుతోన్న సన్నాహాలు ఇప్పుడు ఇది కార్యరూపం దాలుస్తున్నట్టు సమాచారం. ఈ సినిమాకి పవన్ గ్రీన్ సిగ్నల్ ఇచ్చినట్టు చెబుతున్నారు. అయితే, ఇది ఎప్పుడు ప్రారంభమవుతుందన్నది ఇంకా ఖరారు కాలేదు. సెప్టెంబర్ నుంచి త్రివిక్రమ్ శ్రీనివాస్ కాంబినేషన్లో పవన్ ఓ సినిమా చేయాల్సివుంది. ఆ మూవీ అనంతరం ఈ ప్రాజక్ట్ ఉండవచ్చు.

..avnk