Posted: 08/19/2012 07:19 PM IST

       గబ్బర్ సింగ్ సినిమా శతదినోత్సవాన్ని చూసి హ్యాపీ ఫీలవ్వాలని కలలు కంటున్న పవన్ కల్యాణ్ అభిమానులకు ఇది నిరాశ కలిగించే వార్త. చిత్ర నిర్మాత బండ్ల గణేష్ మాటల్ని బట్టి చూస్తే 'గబ్బర్ సింగ్' సినిమా నూరు రోజుల వేడుక ఇక లేనట్టే నని విశదపడుతుంది. ఈ విషయాన్ని ఆయనీ రోజు చెప్పకనే చెప్పారు. 'ఈ సినిమా ఫంక్షన్ చేయాలా? వద్దా? అనేది హీరో పవన్ కల్యాణ్ గారి నిర్ణయాన్ని బట్టి వుంటుంది. అయితే, హంగులు, ఆర్భాటాలకు ఆయన దూరంగా వుంటారు' అన్నారు గణేష్. అలాగే, ఈ సినిమా కలక్షన్లు వెల్లడించడానికి కూడా నిర్మాత నిరాకరించారు. కలక్షన్ల వివరాలు బయటపెట్టద్దని కల్యాణ్ చెప్పారనీ, ఆయనకది ఇష్టం లేదనీ గణేష్ అన్నారు. అందుకే ఆ వివరాలు వెల్లడించడం లేదని చెప్పారు. కాగా, 'గబ్బర్ సింగ్' 65 సెంటర్లలో 100 రోజుల ప్రదర్శన పూర్తి చేసుకోవడం ఆనందంగా వుందని గణేష్ చెప్పారు. ఈ నేపధ్యంలో ఫంక్షన్ కు బదులుగా వేరే ప్రణాళిక ఏదో రెడీ చేస్తున్నారని కూడా వార్తలు వస్తున్నాయి.

...avnk