Posted: 08/28/2012 02:15 PM IST

       'ముఖ్యమంత్రిగా ఆయన మరుసటి రోజు ప్రమాణ స్వీకారం చేయాలి. కానీ ముందురోజు ఆకస్మికంగా ఆయన్ని హత్య చేశారు. అది ఎవరు చేశారో ఇంటిలిజెన్స్‌ బ్యూరో క్కూడా అంతు చిక్కలేదు. కానీ ఆ మర్డర్‌ ఓ కెమెరాతో ఆ సంఘటనను చిత్రీకరించింది. ఆ ఆధారం హంతకుడ్ని పట్టించింది. ఈ కథాంశంతో తమిళంలో రూపొందిన చిత్రం 'వామనన్‌'. జై, లక్ష్మీరారు, ప్రియా ఆనంద్‌ ముఖ్య పాత్రధారులు. తెలుగులో 'లైవ్‌' పేరుతో ఎస్‌.రాజేష్‌ అందిస్తున్నారు. అహ్మద్‌ దర్శకుడు.
       దీనికి సంబంధించి నిర్మాత మాట్లాడుతూ...'హీరో జైకి సినిమా అంటే పిచ్చి. హీరోగా వెలగాలనేది కోరిక. అందుకోసం సిటీకి వస్తాడు. అనుకోకుండా హత్య కేసులో ఇరుక్కుంటాడు' అని చెప్పారు. చిత్ర సమర్పకుడు ప్రవీన్‌ నేలపాటి మాట్లాడుతూ...'ప్రస్తుతం డీటీఎస్‌ కూడా పూర్తయింది. సెప్టెంబర్‌లో పాటలు, సినిమాను విడుదల చేయనున్నా'మని తెలిపారు. యువన్‌శంకర్‌రాజా సంగీతం ఈచిత్రానికి హైలైట్‌గా నిలుస్తుందన్నారు. ఈ చిత్రానికి కెమెరా: అరవింద్‌కృష్ణ, ఎగ్జిక్యూటివ్‌ నిర్మాతలు: వెంకట్రామిరెడ్డి, విజరు పెదిరెడ్ల.

..avnk