Posted: 08/29/2012 09:29 PM IST

సాధారణంగా కొన్ని సార్లు సినిమా షూటింగ్ స్పాట్లకు హీరోలు గానీ, దర్శకులు గానీ, ఇంకా ఎవరైనా ప్రముఖులు గానీ వెళ్లి ఆ సినిమా యూనిట్ ని ఆశ్చర్యానికి గురిచేస్తుంటారు. ఇటువంటి సంఘటనలు ఈ మధ్య కాలంలో జరిగాయి కూడా. ఆ మధ్యన చిరంజీవి చరణ్ షూటింగ్ స్పాట్ కి వెళ్ళి ఆశ్చర్యపరిచాడు. మొన్నటికి మొన్న దర్శకుడు రాజమౌళి గోవాలో జరుగుతున్న హీరో నాని షూటింగ్ స్పాట్ కి వెళ్ళాడు... ఇప్పడు హీరో మంచు విష్ణు జూనియర్ ఎన్టీఆర్ నటిస్తున్న ‘బాద్షా ’ సినిమా షూటింగ్ స్పాట్ కి వెళ్ళి ఆశ్చర్యపరిచాడు. ప్రస్తుతం మంచు విష్ణు నటిస్తున్న చిత్రం ‘దేనికైనా రెడీ ’ షూటింగ్ బ్యాంకాక్ లో జరుగుతుంది. అక్కడే ఎన్టీఆర్ సినిమా షూటింగ్ జరుగుతుండటంతో విష్ణుకి ఓ రోజు షూటింగ్ లేకపోయే సరికి ఎన్టీఆర్ షూటింగ్ స్పాట్ ఎక్కడ ఉందో తెలుసుకొని అక్కడకు వెళ్లి ఎన్టీఆర్ ని ఆశ్చర్య పరిచాడట. ఈ విషయాన్ని విష్ణు స్వయంగా చెప్పాడు. ఎప్పడు బిజీగా ఉండే హీరోలు ఇలా మధ్య మధ్యలో సప్రైజ్ లు ఇచ్చుకోవడం చూస్తుంటే హీరోల మధ్య కలమషం లేని మనస్సు ఉన్నదని తెలుస్తుంది.