Posted: 09/04/2012 08:28 PM IST

       శ్రీకాంత్ హీరోగా నటిస్తున్న 'దేవరాయ' చిత్రం ఆడియో వేడుక ఈ నెల 12 న హైదరాబాదులోని శిల్ప కళా వేదిక ఆడిటోరియంలో జరుగుతుంది. హీరో పవన్ కల్యాణ్ ముఖ్య అతిధిగా విచ్చేసి, ఆడియోను ఆవిష్కరిస్తారని ఆ చిత్ర యూనిట్ కొద్దిసేపటిక్రితం ప్రెస్ నోట్ విడుదల చేసింది.
      మహేష్ బాబు, సుకుమార్ కాంబినేషన్లో రూపొందుతున్న సినిమాకు ‘ఆచార్య’ అనే టైటిల్ అనుకుంటున్నట్లు సమాచారం. మహేష్ తో దూకుడు నిర్మించిన ‘14 రీల్స్ ఎంటర్టైన్మెంట్స్’ ఈ సినిమాను నిర్మిస్తోంది. గతంలో ఈ చిత్రం కోసం చంద్రుడు, ఆగడు వంటి టైటిల్స్ ప్రచారంలోకి వచ్చాయి. ఐతే మహేష్ లెక్చరర్ పాత్ర పోషిస్తున్న ఈ సినిమాకి ‘ఆచార్య’ అయితే సరైన టైటిల్ అవుతుందని సుకుమార్ భావిస్తున్నట్లు తెలుస్తోంది. ఈ చిత్రంలో కాజల్ హీరోయిన్ గా నటిస్తోంది. మహేష్ కెరీర్ లోనే పెద్ద బడ్జెట్ చిత్రం అవుతుందని నిర్మాతలు చెప్తున్నారు. దేవిశ్రీ ప్రసాద్ తొలిసారిగా మహేష్ చిత్రానికి సంగీతం అందిస్తున్నారు. గోవా బ్యాక్‌ డ్రాప్‌తో ఈ చిథ్ర కథ నడుస్తుందని తెలిసింది.  
        ఇక,  యాక్షన్ కథా చిత్రాలను రూపొందించటంలో దర్శకుడు బోయపాటి శ్రీను పెట్టింది పేరు. అయితే, ఇప్పుడాయన తన శైలికి భిన్నంగా రాంచరణ్ తో ఓ మంచి లవ్ స్టొరీ తీయటానికి ప్లాన్ చేస్తున్నాడని కొన్ని రోజులుగా వార్తలు వినిపిస్తున్నాయి. మరి, ఇప్పుడు బోయపాటి లవ్ స్టొరీకి చరణ్ పచ్చ జండా ఊపుతాడో... లేదో ...వేచి చూడాల్సిందే!
        తారకరత్న చూడబోతే, సాంఘికాల్లోనే కాదు పౌరాణిక పాత్రల్లోనూ తాను మెప్పించగలను అనే నిర్ణయానికి తారకరత్న వచ్చేసినట్టు కనిపిస్తోంది. అందుకే ఇప్పుడాయన 'యమధర్మరాజు' గా ప్రేక్షకుల ముందుకి రావడానికి సిద్ధమౌతున్నాడు. ఓ సోషియో ఫాంటసీ చిత్రంలో ఆయన యమధర్మరాజుగా నటిస్తున్నాడు. శ్రీలక్ష్మీ నరసింహాస్వామి ఫిల్మ్స్ బ్యానర్ పై నందన్ గౌడ్ నిర్మిస్తోన్న ఈ సినిమా ద్వారా వెంకట్ పంపన దర్శకుడిగా పరిచయమౌతున్నాడు. ఈ సినిమాలో రంభ ... ఊర్వశి ... మేనకలుగా క్రేజ్ ఉన్న కథానాయికలు కనిపిస్తారని సమాచారం. భారీ బడ్జెట్ తో నిర్మిస్తోన్న ఈ సినిమా షూటింగ్ ను విజయదశమి రోజున లాంఛనంగా ప్రారంభించనున్నట్టు చెప్పారు.   

...avnk