Posted: 09/17/2012 01:43 PM IST

     పవర్ స్టార్ పవన్ కల్యాణ్ – పూరీ జగన్నాథ్ మూవీ ‘కెమెరామెన్ గంగతో రాంబాబు’ హాట్ కేకులా మారింది. నిర్మాణంలో ఉండగానే బిజినెస్ పూర్తయిపోతోంది. తాజా సమాచారం ప్రకారం ఇంతకుముందెన్నడూ లేనివిధంగా ఈ సినిమా నైజాం డిస్ట్రిబ్యూషన్ రైట్స్ 11.5 కోట్లు చెల్లించి దిల్ రాజు దక్కించుకున్నాడు.  'గబ్బర్ సింగ్' కనీవినీ ఎరుగని రీతిలో హిట్టవడంతో ఆ ప్రభావం ఇప్పుడు 'కెమెరామేన్ గంగతో రాంబాబు' సినిమా మీద స్పష్టంగా కనిపిస్తోంది. ఇదిలా ఉంటే మన రాష్ట్రంలోనే కాకుండా తమిళనాడులో కూడా పవన్ కి అభిమాన జనం బాగా వున్నారు. ఈమధ్య కాలంలో పవన్ తెలుగు వెర్షన్ సినిమాలు అక్కడ కూడా విడుదలవుతున్నాయి. ఫలితంగా 'రాంబాబు' సినిమా తెలుగు వెర్షన్ తమిళనాడు ఏరియాకు బాగా అమ్ముడుపోయిందట. ఏకంగా 55 లక్షలకు వీటి డిస్ట్రిబ్యుషన్ హక్కులు అమ్ముడైనట్టు చెబుతున్నారు.
         కాగా,  రెట్టించిన ఉత్సాహం తో పవన్ కళ్యాణ్ ఈ మూవీ షూటింగ్లో పాల్గొంటున్నాడు. ఇటీవలే పవన్, తమన్నాల మీద పద్మాలయ స్టూడియోలో ఒక పాట చిత్రీకరణ చేశారు. ఒకరోజు విశ్రాంతి అనంతరం అన్నపూర్ణ స్టూడియోలో ప్రత్యేకంగా వేసిన సెట్లో మరో సాంగ్ చిత్రీకరించనున్నారు. ఈ పాటతో మొత్తం షూటింగ్ పూర్తవుతుంది. ప్రస్తుతం పోస్ట్ ప్రొడక్షన్ పనులు కూడా వేగంగా జరుపుకుంటుంది. మణిశర్మ సంగీతం అందించిన ఈ సినిమా ఆడియో సెప్టెంబర్ 24న అభిమానుల మధ్య భారీగా విడుదల చేయడానికి సన్నాహాలు చేస్తున్నారు. యూనివర్సల్ మీడియా బ్యానర్ పై డివివి దానయ్య నిర్మిస్తున్న ఈ సినిమా అక్టోబర్ 11న విడుదలకానుంది.

...avnk