Posted: 10/11/2012 06:53 PM IST

సంచలనాలకు వివాదాస్పద వాఖ్యలకు మారుపేరైన రామ్ గోపాల్ వర్మ గతంలో రాత్రి, దెయ్యం, మర్రిచెట్టువంటి దెయ్యాల చిత్రాల తీసి భయపెట్టడానికి ట్రై చేశాడు. మళ్లీ తాజాగా 'బూచి' అనే చిత్రాన్ని రూపొందించారు. అయితే 3డిలో చేయడం ఈ చిత్రం ప్రత్యేకత. జెడి చక్రవర్తి, మనీషాకొయిరాలా, మధుశాలినితోపాటు ఓ పాపకూడా నటించింది. 12న చిత్రాన్ని విడుదల చేయనున్నారు.  హైదరాబాద్‌కి వచ్చిన వర్మ చిత్ర ట్రైలర్స్‌ను చూపించారు.  'బూచి' చిత్రం తీయడానికి ఇన్‌స్పిరేషన్‌ ఏమిటి అని వర్మను అడిగితే.. ఇలా సమాధానమిచ్చాడు. ‘నాకు చిన్నప్పటినుంచి భయపెట్టడం అంటే ఇష్టం. అమ్మ గోరుముద్దులు తినిపిస్తూ- తినకపోతే బూచి వస్తుందని భయపెట్టేది. అలా చిన్నప్పుడే బూచి అనే పేరు తెలిసిపోయింది.
      ఇప్పటివరకు మీరు తీసిన దెయ్యాలు చిత్రాలు, ఇప్పటి బూచి చిత్ర ట్రైలర్స్‌లో కన్సెప్టు ఒక్కటే ఉంది? కొత్తగా ఏం చూపించారు? అనడిగితే..
       'రాత్రి'లో సౌండ్‌ ఎఫెక్ట్‌లు చూపించాం. బూచిలో సైలెన్స్‌ ద్వారా భయ పెట్టిస్తాం. అసలు దెయ్యం కథలు బ్లాక్‌ అండ్‌ వైట్‌ సినిమాల నుంచి వస్తున్నవే. కలర్‌ సినిమాలు వచ్చిన తర్వాత కూడా అందులో కథలేమీ మారలేదు. లంకంతగా ఉండే ఒక పురాతన ఇల్లు, తెల్లటిచీర కట్టుకునే అమ్మాయి కన్పించడం.. పి.సుశీల పాట రావడం.. ఇదంతా మనం చూసిందే. దాన్నే కొత్తకోణంలో చూపిస్తూ రకరకాల చిత్రాలు వచ్చాయి. నేను చిన్నతనంలో పెద్ద వెధవను. వెధవ ఎలా ఉంటాడో అలానే ఉండేవాడిని. అని తన స్టైల్లో సెలవిచ్చాడు వర్మ.

...avnk