Posted: 12/20/2012 04:43 PM IST

       డెబ్యూ మూవీ 'లక్ష్మీకళ్యాణం'లో నటించినా ద్వితీయప్రయత్నం 'చందమామ'లో సక్సెస్‌ హీరోయిన్‌గా పేరుతెచ్చుకుంది కాజల్.  ఇక 'మగధీర'తో తనకంటూ ప్రత్యేకత సంపాదించుకున్న కాజల్‌అగర్వాల్‌. ఇండిస్టీకి వచ్చి ఏడేళ్ళు అయింది.  తాజాగా రవితేజతో నటించిన 'సారొచ్చారు' లో అందాలు ఒలకబోసింది. ఈ పాత్ర గురించి ఇలా అంటోంది..  ఈ మూవీలో సంథ్య అనే పాత్ర చేశాను. టామ్‌బోరుగా పురుష లక్షణాలున్న క్యారెక్టర్‌ అది. అంటే.. రవితేజకంటే నేనే హీరోగా ఫీలవుతాను. కొంతమంది హీరోలను అనుసరిస్తూ మాట్లాడుతుంటాను. కరెక్ట్‌ గా చెప్పాలంటే.. నా నిజజీవితానికి సరిపడే పాత్ర. అంతేకాదు.. జనరల్ గా  నేను హైపర్‌ పర్సన్‌. చాలా చురుదనం ఉన్నదాన్ని. రవితేజ, నేను కలిసి మాట్లాడితే మూడోవ్యక్తికి అర్థంకాదు. అంత స్పీడ్‌గా మాటలుంటాయి. ఇంకా... నేను, రవితేజ హైదరాబాద్‌ నుంచి వైజాగ్‌ రోడ్‌ జర్నీ చేస్తుంటాం. ఈ జర్నీలో జరిగే రకరకాల సంఘటనల సమాహారమే చిత్రకథ. రియల్‌లైఫ్‌లో నాకు జర్నీ చేయడమంటే చాలా ఇష్టం. ఈ చిత్రం చేస్తుంటే.. నా కోరిక నెరవేరిందనే ఫీలింగ్‌కూడా కలిగింది.
        నిజజీవితంలో నేను ఎటువంటి ఇగో పెట్టుకోను. తోటి కథానాయికలతో చాలా స్నేహంగా ఉంటాను. నా పాత్ర ఏమిటి.. దానికి ఎలా న్యాయం చేయాలి అనే విషయాన్నే ఆలోచిస్తా. పాత్రకు ప్రాధాన్యత చిత్రాలే చేస్తున్నాను. ఇలా ప్రతి చిత్రం వైవిధ్యంగా చేస్తున్నవే. బిజినెస్‌మేన్‌, తుపాకీ, బ్రదర్స్‌.. ఇప్పుడు సారొచ్చారు... వంటివన్నీ కొత్తగా ఉంటాయని చెబుతోంది. శ్రీరామరాజ్యంలో నయనతార చేసిన సీతలాంటి పాత్ర.. మంచిపేరు తెచ్చిపెట్టే లేడీ ఓరియెంట్‌ పాత్రలు వస్తే తప్పకుండా ఆహ్వానిస్తానంటోంది మన కాజల్...రేపు ప్రేక్షకులముందుకు రాబోతోన్న సారొచ్చారుతో మరో బంపర్ హిట్  తన ఖాతాలో వేసుకోవాలని మనమూ కోరుకుందాం....
         ఇదిలా ఉంటే... (సారొచ్చారు చిత్ర ప్రమోషన్ లో భాగంగా నిర్మాత ప్రియాంకదత్, హీరోయిన్ కాజల్ అగర్వాల్ కష్టపడుతుంటే..హీరో రవితేజ మాత్రం సినిమా రేపు రిలీజ్ అవుతున్నా  కిక్కురుమనకుండా మిన్నకుండిపోవటం ఇప్పుడు టాలీవుడ్ లో హాట్ టాపిక్ గా మారింది.)

...avnk