సల్లూభాయ్ ‘బిజినేస్ మేన్ ’ అవతారం

Posted: 07/11/2013 01:33 PM IST

బాలీవుడ్ కండల వీరుడు సల్మాన్ ఖాన్ గత కొంత కాలంగా దక్షిణాది చిత్రాలను రీమేక్ చేసి విజయాల బాట పట్టిన విషయం తెలిసిందే. ఇప్పటికే పలు సినిమాలు హిందీలో రీమేక్ లలో నటించాడు. తాజాగా మెగాస్టార్ ‘ఠాగూర్ ’ సినిమాను ‘మెంటల్ ’ పేరుతో రీమేక్ చేస్తున్నారు. ఈ సినిమా పూర్తికాక ముందే మరో తెలుగు సినిమాను రీమేక్ చేసేందుకు సల్మాన్ సిద్దం అవుతున్నాడు. టాలీవుడ్ ప్రిన్స్ మహేష్ బాబు , పూరీ జగన్నాథ్ కాంబినేషన్ లో వచ్చిన కమర్షియల్ హిట్ సినిమా ‘బిజినెస్ మేన్ ’ సినిమాలో కూడా సల్మాన్ నటించబోతున్నాడని సమాచారం. ఈ సినిమా హిందీ హక్కులను ఆర్.ఆర్. మూవీమేకర్స్ నుండి భారీ రేటును చెల్లించి అల్మాన్ సోదరుడు అర్భాజ్ ఖాన్  దక్కించుకున్నాడని టాలీవుడ్ వర్గాలు అంటున్నాయి. సల్మాన్ తో రూపొందించిన 'దబాంగ్-2'తో దర్శకుడిగా మారిన అర్బాజే దీనికి కూడా దర్శకత్వం వహించనున్నాడు. ప్రస్తుతం ‘మెంటల్ ’ సినిమా షూటింగులో ఉన్న సల్లూభాయ్ వచ్చే సంవత్సరం ఈ సినిమాలో నటించనున్నాడని అంటున్నారు. సో... బాలీవుడ్ ‘బిజినెస్ మేన్ ’ గా సల్మాన్ మారబోతున్నాడన్న మాట.