నిత్యా కూడా బాలీవుడ్ లోకి వెళుతుంది

Posted: 07/11/2013 06:16 PM IST

దక్షిణాదిలో వెండితెర పై కనిపించి మంచి పేరు తెచ్చుకున్న కథానాయికలు అందరు దాదాపు హిందీ పరిశ్రమ వైపుకు వెళుతున్నారు. తాజాగా కేరళ కుట్టి పొట్టి పిల్ల నిత్యామీనన్ కూడా త్వరలో బాలీవుడ్ ఎంట్రీ ఇవ్వబోతుంది. ఈ అమ్మడు ఆ మధ్య  ప్రముఖ నటి శ్రీ ప్రియ దర్శకత్వంలో ‘22 ఫిమేల్ కొట్టాయం ’ అనే సినిమాలో నటించింది. ఈ సినిమా మంచి విజయం సాధించడంతో ఇప్పుడు అదే సినిమాను హిందీలో కూడా రీమేక్ చేయాలని భావిస్తోందట. ఇప్పటికే తెలుగు, తమిళ భాషల్లో డబ్ చేస్తున్న ఈ చిత్రంలో నిత్యా మీననే హీరోయిన్ గా చేస్తుంది. హిందీలో కూడా ఈమెనే హీరోయిన్ గా పెట్టుకోవడంతో ఈ కుట్టీ బాలీవుడ్ లోఅడుగు పెట్టబోతుంది. ఆ సినిమాలో ఓ అత్యాచార బాధితురాలు ప్రతీకారం తీర్చుకున్న వైనాన్ని ఇందులో కొత్తగా చూపిస్తున్నారు. దీన్ని జనాలు రిసీవ్ చేసుకోవడంతో దర్శకురాలు హిందీలో కూడా ఈ సినిమా మంచి విజయం సాధిస్తుందే ధీమాను వ్యక్తం చేస్తుంది.