మరదలు పిల్ల పై పవన్ మోజు

Posted: 10/05/2013 02:49 PM IST

తెలుగు ప్రేక్షకులకు మరదలు పిల్లగా సుపరిచితురాలైనా అందాల సుందరి ప్రణీత కి ఈ మధ్యన కాలం కలిసొచ్చే సూచనలు కనిపిస్తున్నాయి. ఈ అమ్మడు ఇటీవలే పవన్ కళ్యాణ్ సినిమా ‘అత్తారింటికి దారేది ’ లో సెకండ్ హీరోయిన్ ఛాన్స్ వచ్చింది. ఆ సినిమా సూపర్ హిట్ కావడంతో తెగ ఆనందంలో మునిగితేలుతున్న ఈమెకు మరోసారి పవన్ తో నటించే ఛాన్స్ వచ్చినట్లు చెబుతున్నారు. ఈ సినిమా హిట్ జోష్ లో తన తరువాతి చిత్రం ‘గబ్బర్ సింగ్ 2’  కోసం సన్నద్దం అవుతున్న పవన్ తెలుగు అమ్మాయి కావాలన్న సూచన మేరకు సంపత్ నంది ఆమెను ప్రపోజ్ చేశాడని తెలుస్తుంది.

పవన్ కూడా సంపత్ నంది ప్రపోజల్‌కు గ్రీన్ సిగ్నల్ ఇచ్చే అవకాశం వుందని తెలుస్తోంది. ఈ సినిమా కోసం పలువురు కథానాయికలను పరిశీలించినప్పటికీ, రకరకాల కారణాల వల్ల ఎవరూ ఫైనల్ కాలేదు. ఇక పవన్ కూడా మరదలు పిల్ల వైపే మొగ్గు చూపుతుండటంతో దాదాపుగా ఈ అమ్మడుకు ఛాన్స్ వచ్చినట్లే అని అంటున్నారు. ఈ నెలాఖరు నుంచి షూటింగు జరుపుకునే ఈ చిత్రాన్ని  నార్త్ స్టార్ ఎంటర్టైన్మెంట్ ప్రై.లిమిటెడ్ పతాకంపై శరత్ మరార్ నిర్మిస్తున్నారు. దీనికి సంబంధించిన అధికారిక ప్రకటన త్వరలో రావచ్చని అంటున్నారు. మొత్తానికి పిల్లకు లక్కీ ఛాన్స్ వచ్చిందన్న మాట. ఈ అవకాశంతోనైనా ఈ పిల్ల ఫేట్ మారుతుందో చూడాలి.