మహేష్ స్టిల్స్ మళ్ళీ బయటికి వచ్చాయి ?

Posted: 11/18/2013 05:57 PM IST

ఇటీవలి కాలంలో తెలుగు సినిమా ఇండస్ట్రీకి లీకుల తెగులు పట్టింది. ఎప్పటి నుండో వస్తున్న పైరసీ భూతానికి తోడు ఇప్పుడు సినిమాకు సంబంధించిన స్టిల్స్ కూడా ఎవరో లీక్ చేస్తున్నారు. ఇది కావాలనే చిత్ర యూనిట్ వారు చేస్తున్నారో లేక ఎవరైనా ఇంటి దొంగలే చేస్తున్నారో కానీ పలు సినిమాలకు సంబంధించిన స్టిల్స్ నెట్లో హల్ చల్ చేస్తున్నాయి.

ప్రేమ కథా చిత్రాల దర్శకుడు అయిన సుకుమార్ దర్శకత్వంలో యాక్షన్ థ్రిల్లర్ గా తెరకెక్కుతున్న మహేష్ ‘1’ నేనొక్కడినే సినిమాకు సంబంధించిన స్టిల్స్ ఆ మధ్య లీక్ అవ్వడంతో చిత్ర యూనిట్ అలర్ట్ అయింది. దీని పై అప్పట్లో గట్టిగా స్పందించి సైబరాబాద్ పోలీస్ స్టేషన్లో కంప్లెంట్ ఇచ్చి ఇక పై లీకులు కాకుండా గట్టి జాగ్రత్తలు తీసుకున్నారు. కానీ ఎన్ని ఎన్ని జాగ్రత్తలు తీసుకున్నా మళ్ళీ ఈ సిమాకు సంబంధించిన మరికొన్ని స్టిల్స్ లీకయ్యి నెట్లో హల్ చల్ చేస్తున్నాయి. ఈ స్టిల్స్ ను చూసి షాకయ్యిన చిత్ర యూనిట్ మళ్ళీ ఎవరు లీక్ చేశారంటూ తలలు పట్టుకుంటుంది.

నేడు సినిమాకు సంబంధించిన స్టిల్స్, రేపు సినిమాకు సంబంధించిన సీన్స్ బయటకు వస్తే సినిమా పరిస్థితి ఏంటని అంటున్నారు. అందుకే నిర్మాత‌లు ఈ విష‌యంలో సీరియ‌స్‌గా దృష్టి సారించారు. ఈ లీకుల‌ వీరుడు ఎవ్వరో కనిపెట్టే పనిలో పడ్డారు. ‘ఇంటి దొంగను ఈశ్వరుడైనా కనిపెట్టలేడు ’ అనే సామెత మాదిరి వీరికి ఆ లీకు వీరుడు దొరికేనా ? స్టిల్స్ బయటకి వస్తే వచ్చాయి కానీ మహేష్ అందులో కిరాకుగా ఉన్నాడని ఫ్యాన్స్ తెగ సంబర పడిపోతున్నారు.