‘బహుబలి ’లో రాణా ఫస్ట్ లుక్

Posted: 12/14/2013 02:31 PM IST

జక్కన్న నటుడు రాణాకి బర్త్ డే గిఫ్ట్ ఇచ్చాడు. ఇప్పటికే మేకింగ్ ఆఫ్ బహుబలి 1, 2 లను ప్రభాస్, అనుష్కల పుట్టిన రోజు కానుకలుగా ఇచ్చి ఆశ్చర్యపరిచాడు. ఇప్పుడు మరో నటుడు రాణాకు కూడా బర్త్ డే కానుకగా... మేకింగ్ ఆఫ్ బహుబలి-3  విడుదల చేశారు. నేడు పుట్టిన రోజు జరుపుకుంటున్న రాణా ‘బహుబలి ’ సినిమాలో ఎలా ఉండబోతున్నాడో అనే ఆసక్తికి తెర దించాడు. ఆ సినిమాకు సంబంధించి ఫస్ట్ లుక్ ని విడుదల చేశాడు. ఈ చిత్రంలో రాణా ‘భల్లలదేవ దేవ ’ పాత్రలో కనిపించబోతున్నాడన్న మాట. 

ఆర్కా మీడియా బేనర్‌పై శోభు యార్లగడ్డ, కె. రాఘవేంద్రరావు, దేవినేని ప్రసాద్ సంయుక్తంగా ఈ చిత్రాన్ని నిర్మిస్తున్నారు. తెలుగు, తమిళంలో తెరకెక్కుతున్న ఈ సినిమా హిందీ, విదేశీ బాషల్లోనూ విడుదల చేసే అవకాశం ఉంది. దాదాపు రూ. 80 కోట్ల నుంచి రూ. 100 కోట్ల బడ్జెట్‌తో రూపొందుతున్న ఈచిత్రం భారతీయ సినీ చరిత్రలోనే మునుపెన్నడూ లేని విధంగా అద్భుతమైన సాంకేతిక పరిజ్ఞానం ఉపయోగించి తెరకెక్కిస్తున్నాడు. ఈ వీడియోలో రాణా లుక్ సూపర్ గా ఉందని అంటున్నారు ఆయన అభిమానులు.