దిల్ రాజు దెబ్బకు ‘వన్ ’ వాయిదా ?

Posted: 12/25/2013 09:38 AM IST

టాలీవుడ్ సూపర్ స్టార్ మహేష్ బాబు-సుకుమార్ కాంబినేషన్లో వస్తున్న ‘1-నేనొక్కడినే’జనవరి 10వ తేదీన ప్రపంచ వ్యాప్తంగా విడుదల చేస్తున్నామని ప్రకటించిన విషయం తెలిసిందే. తాజాగా సినిమా వర్గాల నుండి అందుతున్న సమాచారం ప్రకారం ఈ సినిమా విడుదల వాయిదా పడిందని అంటున్నారు. దీనికి సంబంధించిన ఏర్పాట్లను కూడా చకచకా చేస్తున్నారు కూడా.

కానీ ఇఫ్పుడు రెండు రోజులు ముందుకు జరిపి జనవరి 13వ తేదీన విడుదల చేయబోతున్నట్లు తెలుస్తుంది. దీనికి ఓ కారణం ఉందని కూడా అంటున్నారు.  దిల్ రాజు  నిర్మించిన ‘ఎవడు ’ చిత్రాన్ని కూడా అదే రోజు విడుదల చేయబోతున్నాడు. ఈ సినిమా మెగా హీరోది కావడం, పెద్ద ప్రొడ్యూసర్ కావడంతో థియేటర్లన్నీ చాలా వరకు ఆయనే బుక్ చేసుకునే అవకాశం ఉండటంతో ‘వన్ ’సినిమా నిర్మించిన ఈరోస్ ఎంటర్ టైన్ మెంట్ సంస్థ వెనక్కి తగ్గిందని అంటున్నారు.

కానీ చిత్ర యూనిట్ సభ్యులు మాత్రం కొన్ని పోస్ట్ ప్రొడక్షన్ కార్యక్రమాలు అప్పటి వరకు పూర్తి కాకపోవచ్చనే ఉద్దేశ్యంతోనే రెండు రోజులు వాయిదా వేస్తున్నామని చెబుతున్నారు. మరి దీనిలో ఏది నిజమో గాని ఈ విడుదలపై చిత్ర నిర్మాతలు స్పష్టత ఇవ్వాల్సి ఉంది.