కింగ్ ఫిషర్ పోరితో పవన్ కళ్యాణ్

Posted: 01/25/2014 03:45 PM IST

Telugu girl conform as gabbar singh 2 heroine

టాలీవుడ్ హీరో పవన్ కళ్యాణ్ ‘గబ్బర్ సింగ్ - 2 ’ సినిమాకు ఎప్పుడో కమీట్ అయ్యాడు. దానికి సంబంధించిన గ్రౌండ్ వర్క్ అంతా పూర్తి అయ్యింది. సినిమా సెట్స్ పైకి వెళ్ళడమే తరువాయి. తాను నటించిన ‘అత్తారింటికి దారేది ’ విడుదల అయ్యి నెలలు గడుస్తున్నా ఈ సినిమా ఇంత వరకు సెట్స్ పైకి వెళ్లలేదు.

కారణం హీరోయిన్ దొరక్కపోవడమే. ఇన్ని రోజులు వాయిదా వేస్తూ వస్తున్న ఈ సినిమాలో పవన్ సరసన హీరోయిన్ దొరికిందంటూ టాలీవుడ్ లో వార్తలు వస్తున్నాయి. మొదటి నుండి తెలుగమ్మాయి కోసం వెతుకుతున్న ఈ చిత్ర యూనిట్ కి అచ్చం తెలుగమ్మాయే దొరికిందని ఫిలింనగర్ వర్గాల సమాచారం ప్రచారం. ఇప్పటికి చాలా మంది హీరోయిన్స్ ని చూసిన పవన్ ప్రక్కన ఎవ్వరు సెట్ కాకపోవడంతో కొత్త వారికోసం వెతికిన చిత్ర యూనిట్ చివరికి శోబిత ధూళిపాళ్ళను సెట్ చేసినట్లు తాజా సమాచారం. ఈ అమ్మడు ప్రముఖ మోడల్.

ఇటీవల 2013 కింగ్ ఫిషర్ క్యాలెండర్ మోడల్స్ లో ఒకరు. ఈమె పుట్టింది ఏపీలోనే. ఇన్ని రోజులు ఎవరి కోసం వెతుకుతున్నారో అలాంటి హీరోయిన్ దొరకడం వరకు బాగానే ఉన్నా, ఈ సినిమా ఎప్పుడు సెట్స్ పైకి వెళుతుందో మాత్రం చెప్పలేమంటున్నారు. ఫిలింనగర్ వార్తల ప్రకారం శొబితకు ఈ అవకాశం దక్కితే.. ఆమె దశ తిరిగినట్లే అంటున్నారు.