కొత్త లుక్ తో దర్శనం ఇవ్వబోతున్నాడు

Posted: 02/16/2014 11:21 AM IST

Ramcharan hairstyle change for new movie

రామ్ చరణ్ త్వరలో క్రిష్ణవంశీ దర్శకత్వంలో మల్టీస్టారర్ చిత్రం చేయబోతున్న విషయం తెలిసిందే. ఈ చిత్రంలో రామ్ చరణ్ సరికొత్త గెటప్ లో కనిపించబోతున్నాడని గత కొన్ని రోజుల నుండి వార్తలు వస్తున్న విషయం తెలిసిందే. ఈ వార్తలు ఇప్పుడు నిజమయ్యాయి. ఈ సినిమా కోసం రామ్ చరణ్ స్టిమ్ గా, డిఫరెంట్ హెయిర్ స్టైల్ తో కనిపించబోతున్నాడు.

అందుకోసం జట్టు కూడా పెంచుతున్నాడు. ఈ విషయం ఇటీవల బ్రహ్మానందం కొడుకు గౌతమ్ నటించిన 'బసంతి' సినిమా ప్రమోషన్ కు సంబంధించిన ఫోటోలలో రుజువు అయ్యింది. ఇందులో ‘పోనీ టెయిల్ ’ మెయింటేన్ చేస్తున్నట్లు కనిపించాడు. చిన్న జుట్టు పిలక వేసుకొని ఢిఫరెంటుగా కనిపించడంతో ఖచ్చితంగా క్రిష్ణవంశీ సినిమా కోసమే ఈ హెయిర్ స్టైల్ అని తేలిపోయింది.

శ్రీకాంత్ మరో ముఖ్యపాత్రలో నటిస్తున్న ఈ చిత్రంలో చరణ్ సరసన కాజల్ అగర్వాల్ నటిస్తుంది. బండ్ల గణేష్ నిర్మిస్తున్న ఈ చిత్రం షూటింగు దశలో ఉంది. మొత్తానికి చెర్రీ డిఫరెంట్ స్టైల్ లో కనిపించబోతున్నాడన్న మాట.

Knr