ఎన్టీఆర్ కి ఆ హీరోయిన్ పై అంత ఆసక్తి ఎందుకో ?

Posted: 07/03/2014 03:34 PM IST

Jr ntr special interest on kajal agarwal

సినిమా ఇండస్ట్రీలో కొంత మంది హీరోయిన్లను గోల్డెన్ లెగ్, సెంటిమెంటుగా గా భావిస్తారు హీరోలు. పలానా హీరోయిన్ ఉంటే సినిమా ఖచ్చితంగా హిట్ అనే భావనకు వస్తారు. కొన్ని జంటలు వెండితెర పై చూడ ముచ్చటగా ఉండటమే కాకుండా, ఇద్దరి మధ్య కెమిస్ట్రీ బాగా వర్కవుట్ అయితే మళ్ళీ మళ్ళీ జత కట్టాలని అనుకుంటారు. ఇఫ్పుడు ఎన్టీఆర్ కూడా అలానే అనుకున్నాడో ఏమో కానీ, బృందావనం, బాద్ షా చిత్రాల్లో తనతో జత కట్టిన కాజల్ అగర్వాల్ కావాలని పట్టు బట్టడంతో ఆమెను ఫైనల్ చేశారట. ఈ విషయాన్ని నిర్మాత బండ్ల గణేశ్ ధృవీకరించాడు కూడ.

జూనియర్ ఎన్టీఆర్ త్వరలో పూరీ జగన్నాథ్ దర్శకత్వంలో బండ్ల గణేశ్ నిర్మాతగా ఓ చిత్రాన్ని చేయబోతున్న సంగతి తెలిసిందే. ఈ చిత్రంలో హీరోయిన్ గా పూరీ బాలీవుడ్ హీరోయిన్ ని పెట్టుకుందామని భావించి ముంబై వెళ్లి ఆడిషన్స్ కూడా నిర్వహించి చివరకు ఆలియా భట్ ని ఎంపిక చేసి ఎన్టీఆర్ ని సమాచారం ఇస్తే ఆమెను ససేమిరా ఒప్పుకోకపోవడమే కాకుండా, కాజల్ నే పెట్టుకుందాని ఒత్తిడి చేశాడట. దీంతో పూరీ కన్విన్స్ అయ్యి కాజల్ కే ఓకే చెప్పాల్సి వచ్చిందని అంటున్నారు. సాధారణంగా తన ప్రక్కన ఏ హీరోయిన్ ని పెట్టుకోవాలనేది స్టార్ హీరోలే డిసైడ్ చేస్తారనేది ఇండస్ట్రీ టాక్. కానీ జూనియర్ ఎన్టీఆర్ ఎప్పుడు హీరోయిన్ల విషయంలో జోక్యం చేసుకోడని, దర్శక, నిర్మాతలు ఎవర్ని తీసుకుంటే వారితోనే నటిస్తాడనే టాక్ ఉంది.

ఈసారి పూరీ పై ఒత్తిడి తెచ్చి కాజల్ నే ఎందుకు పెట్టుకున్నాడని సినీ జనాలు ఆసక్తిగా చర్చించుకుంటుంటే.. ఎన్టీఆర్ మాత్రం ఆమె సెట్స్ లో నడుకునే తీరు, మాట్లాడే విధానం, తన ప్రక్కన ఫర్ ఫెక్ట్ గా సూట్ అవుతుంది కాబట్టే ఆమె పై ఆసక్తి చూపిస్తున్నాడని అంటున్నారు. ఈ సినిమాను నెలఖారును సెట్స్ పైకి తీసుకెళ్లేందుకు సన్నాహాలు చేస్తున్నారు. ఈయన ప్రస్తుతం ‘రభస ’ సినిమా షూటింగులో బిజీగా ఉన్నాడు.

Knr