గోవిందుడి మరో ఆరెంజ్ కాదు కదా ???

Posted: 07/03/2014 05:34 PM IST

టాలీవుడ్ లోకి మెగాస్టార్ కొడుగ్గా ఎంట్రీ ఇచ్చినా అనతి కాలంలోనే మాస్ హీరోగా తనదైన ముద్ర వేసుకున్న రామ్ చరణ్ తేజ్ ఆ ముద్ర వేసుకోవడానికి ఎంతో కాలం పట్టలేదు. తాను మాస్ ఇమేజ్ ఉన్న సినిమాలు తీస్తే గ్యారెంటీగా యాభై కోట్ల క్లబ్ దాటుతుందనే నమ్మకానికి వచ్చేశాడు రామ్ చరణ్. ఇప్పటి వరకు ఆయన నటించిన మాస్ సినిమాలన్నీ సూపర్ హిట్టే. కెరియర్ మొదట్లో రెండు మాస్ సినిమాల తరువాత క్లాస్ లవ్ స్టోరీని ఎంచుకొని ‘ఆరెంజ్ ’ సినిమాలో నటించి అట్టర్ ప్లాప్ ని చవి చూశాడు.

ఆ తరువాత మళ్ళీ మాస్ బాట పట్టి హిట్లు కొడుతున్నా, క్లాస్ హీరోగా పేరు తెచ్చుకోవాలని అనుకొని క్రియేటివ్ దర్శకుడు కృష్ణవంశీ దర్శకత్వంలో ‘గోవిందుడు అందరివాడేలే ’ అనే ఫ్యామిలీ ఎంటర్ టైనర్ లో నటిస్తున్నాడు. గత కొంత కాలం నుండి టాలీవుడ్ ఫ్యామిలీ ఎంటర్ టైనర్ చిత్రాలు సూపర్ డూపర్ హిట్లు సాధిస్తున్నాయి. ఈ తరుణంలో ఈ గోవిందుడి పై చిత్ర యూనిట్ తో పాటు, దర్శక నిర్మాతలు ఫుల్ కాన్ఫిడెన్స్ తో ఉన్నారు. ఈ సినిమా టాలీవుడ్ ఇండస్ట్రీలో చిరస్థాయిగా నిలిచిపోతుందనే నమ్మకాన్ని క్రిష్ణ వంశీ వ్యక్తం చేస్తుంటే, ఈమధ్య రషెస్‌ చూసిన చరణ్‌ కూడా ఈ సినిమా చేస్తున్నందుకు చాలా సంతోష పడిపోయాడు.

ఆ సినిమా నిర్మాత అయిన బండ్ల గణేష్ నా కెరియర్లో ఇది మరో గబ్బర్ సింగ్ రేంజ్ లో హిట్టిస్తుందనే ధీమాను వ్యక్తం చేస్తున్నాడు. కొంతకాలంగా చరణ్‌ హిట్‌ సినిమాలన్నీ ఒకే రేంజ్‌కి పరిమితం అయిపోతున్నాయి. వరుసపెట్టి మాస్‌ సినిమాలు చేయడం వల్లే ఇలా అవుతోందని ఏరి కోరి ఈ ఫ్యామిలీ సినిమా చేస్తున్నాడు. మరి ఈ సినిమా చరణ్ కెరియర్లో చిరస్థాయిగా నిలుస్తుందో ? లేక మరో ఆరెంజ్ అవుతుందో ? లేక బండ్ల గణేశ్ అన్నట్లు మరో ‘గబ్బర్ సింగ్ ’అవుతుందా అన్నది తెలియాలంటే విడుదల వరకు ఆగాల్సిందే.

Knr