అభిమానులకు రుద్రమ బర్త్ డే గిఫ్ట్ ఇదే

Posted: 11/06/2014 01:12 PM IST

పుట్టినరోజు జరుపకునే వారికి బహమతి ఇవ్వటం తెలిసిందే. కాని పుట్టినరోజు జరుపుకునే వారు బహుమతి ఇస్తే ఎలా ఉంటుంది. అదికూడా ఒకరోజు ముందుగా గిఫ్ట్ ప్రకటిస్తే ఉండే థ్రిల్, కిక్కు వేరు కదా. ప్రస్తుతం అనుష్క అభిమానులు ఈ కిక్కలో మునిగితేలుతున్నారు. నవంబర్ ఏడున పుట్టినరోజు జరుపుకుంటోన్న అందాల తార ఇందుకు ఒక్కరోజు ముందుగా అభిమానులకు తన తాజా ఫొటోను గిఫ్ట్ గా ప్రకటించింది. పోస్ట్ ప్రొడక్షన్ పనుల్లో ఉన్న ‘రుద్రమదేవి’ సినిమా తాజా ఫొటోను సినిమా యూనిట్ విడుదల చేసింది.

ఈ ఫొటోలో అనుష్క ధగదగా మెరిసిపోతుంది. మేలిమి బంగారు వర్ణం శరీరంపై... స్వచ్ఛమైన బంగారంతో చేసినట్లుగా ఉన్న ఆభరణాలు వీటికి తోడు లేత గోధుమ రంగు డ్రెస్ తో చమక్కమంటోంది. యువరాణి చూపులతో ఇట్టే కట్టిపడేస్తోంది. ఈ ఫొటో చూసిన అభిమానులు రుద్రమదేవి యువరాణిలా ఉంది అని ప్రశంసలు కురిపిస్తున్నారు. ప్రస్తుతం పోస్ట్ ప్రొడక్షన్ పనులు జరుపుకుంటున్న ఈ మూవీ విడుదల తేదిని త్వరలోనే ప్రకటించనున్నారు.

గుణశేఖర్ స్వయంగా డైరెక్ట్ చేసి, నిర్మిస్తున్న ఈ సినిమాలో అనుష్క షెట్టితో పాటు అల్లు అర్జున్, దగ్గుబాటి రానా క్యరెక్టర్లు పోషిస్తున్నారు. వీరితో పాటు నిత్య మీనన్, సుమన్, ప్రకాష్ రాజ్ తదితరులు నటిస్తున్నారు. ఇళయరాజా సంగీతం అందిస్తున్న ఈ సినిమా.. గుణ టీం వర్క్స్ బ్యానర్ పై నిర్మించారు. దాదాపు యాబై కోట్ల బడ్జెట్ తో తెరకెక్కిన ఈ మూవీపై టాలీవుడ్ లో భారీ అంచనాలు ఉన్నాయి. అనుష్కకు ‘అరుంధతి’కి మించిన హిట్ అందిస్తుంది అని ఇండస్ర్టీలో చెప్తున్నారు.

కార్తిక్