తొలిసారి కరుణించిన ఐశ్వర్య...

Posted: 12/01/2014 10:45 AM IST

Aishwarya rai karan johar first movie yeh dil hai mushkil movie ranbir kapoor anushka sharma bollywood news

మాజీ విశ్వసుందరి ఐశ్వర్యరాయ్ తిరిగి ఇండస్ట్రీలోకి రీఎంట్రీ ఇస్తోందన్న వార్తలు వస్తున్న సంగతి తెలిసిందే! ఇందులో భాగంగానే ఐష్ ‘జజ్బా’ అనే సినిమాలో నటించడానికి ఎప్పుడో గ్రీన్ సిగ్నల్ ఇచ్చేసింది. ఇటీవలే ఆ మూవీ యూనిట్ సభ్యులతో కలిసి తాను మొదటిరోజు షూటింగ్’లో పాల్గొంటున్నట్లుగా ఓ ఫోటో దిగి పోస్ట్ కూడా చేసింది. ఇక ఈ సినిమా మొదలయ్యి కొన్ని రోజులకూడా కాలేదు.. అప్పుడే మరో సినిమాకు గ్రీన్ సిగ్నల్ ఇచ్చేసిందని సమాచారం! తాను తాజాగా కరణ్ జోహర్ సినిమాలో నటించడానికి అంగీకరించింది.

గతకొన్నిరోజుల నుంచి రణబీర్ కపూర్’తో కలిసి ఐశ్వర్య నటిస్తున్నట్లుగా వార్తలొస్తున్న సంగతి తెలిసిందే! అదే విషయాన్ని డైరెక్టర్ కరణ్ జోహర్ అధికారికంగా వెల్లడించారు. ఆ చిత్రం పేరు ‘ఏ దిల్ హై ముష్కిల్’. అందులో వారిద్దరితోబాటు అనుష్క శర్మ కూడా ప్రధానపాత్ర పోషిస్తోంది. ఆ మూవీ కూడా తాను గతంలో నిర్మించిన సినిమాల స్టైల్లోనే ప్రేమ, బంధాలు, కోరికలు వంటి సున్నితమైన అంశాల చుట్టూ సాగుతుందని కరణ్ జోహర్ పేర్కొంటున్నాడు.

ఆ మూవీ గురించి కరణ్ మాట్లాడుతూ.. ‘‘గతంలో ‘కుచ్ కుచ్ హోతా హై’ సినిమాకోసం ఐష్’ని అడిగాను. కానీ తాను అప్పుడు ‘జీన్స్’ మూవీ షూటింగులో బిజీగా వుండటం వల్ల అప్పుడు చేయలేకపోయింది. తర్వాత ‘కభీ అల్విదా నా కెహనా’కోసం ఆమెను సంప్రదించాను. అప్పుడు కూడా తాను వేరే సినిమాలతో బిజీగా వుండటంవల్ల కుదరలేదు. ఆనాడు ఆమె ఒప్పుకోకపోవడం వల్ల కాస్త నిరాశగానే గురయ్యాను కానీ.. ఆహె సారీ చెప్పిన తీరు, కారణాలు నన్ను బాగానే ఆకట్టుకున్నాయి. ఏదైతేనేం.. ఇప్పుడీ కథ చెప్పగానే వెంటనే ఓకే చెప్పింది. నౌ ఐయామ్ హ్యాపీ’’ అంటూ తన ప్రసంగాన్ని ముగించాడు.

అంతేకాదు.. ఇంకా ఆ మూవీ ఎప్పుడు సెట్స్’కెళుతుందో పూర్తి వివరాలను వెల్లడించకుండానే అప్పుడే రిలీజ్ డేట్’ని కూడా ఖరారు చేసుకున్నాడు. ఈ చిత్రాన్ని 3 జూన్ 2016న రిలీజ్ చేస్తామని అతడు స్పష్టం చేశాడు. న్యూయార్క్, లండన్, పారిస్, ఢిల్లీ వంటి లొకేషన్లలో షూటింగ్ జరుగుతుందని, గత సినిమాల్లోలాగే ఇందులో కూడా లవ్ ఎలిమెంట్స్’తో తెరకెక్కిస్తానని అతడు అన్నాడు.