కోలీవుడ్ లోనూ చార్మీ తళుకు బెళుకులు..

Posted: 02/28/2015 06:09 PM IST

Charmi kaur mass masala item songs 10 enradhukulla vikram samantha ar muragadoss

గతకొన్నాళ్ల నుంచి హీరోయిన్ గా అవకాశాలు రాకపోవడంతో బొద్దుగుమ్మ ఛార్మీ ఐటెం సాంగులతో సందడి చేస్తున్న విషయం తెలిసిందే! ఇప్పటికే ఈ అమ్మడు రామ్ చరణ్ ‘నాయక్’, కింగ్ నాగార్జున ‘డమరుకం’, ‘రగడ’ సినిమాలలో ఐటెం సాంగుల్లో నృత్యించి, యూత్ ని అలరించింది. ఆ పాటలన్నీ బాగా పాపులర్ అవడంతోపాటు ఛార్మికి మంచి క్రేజ్ తెచ్చిపెట్టాయి. ఇప్పుడు తాజాగా ఈ అమ్మడు మరో మసాలా ఐటెం సాంగులో నటించేందుకు గ్రీన్ సిగ్నల్ ఇచ్చిందని సమాచారం! అది కూడా తమిళ సినిమాకోసం చేయడం విశేషం!

చియాన్ విక్రమ్ హీరోగా విజయ్ మిల్టన్ దర్శకత్వంలో ‘10 ఎణ్రదుకుళ్ల’ అనే సినిమా తెరకెక్కుతుంది. ఆ సినిమాలోనే హీరో విక్రమ్ తో కలిసి చార్మి మంచి మాస్ మసాలా ఐటెం సాంగులో చిందేయనుంది. తమిళ స్టైల్లో సాగిపోయే ఈ పాట 9 నిమిషాల నిడివి వుంటుందని యూనిట్ బృందం తెలుపుతోంది. గురువారం నుండి ఈ పాట చిత్రీకరణ చెన్నైలో మొదలైంది. ఈ పాట కోసం 2.25 కోట్లు ఖర్చుపెట్టి స్పెషల్ సెట్ వేశారని సమాచారం. ఈ పాటతో సినిమాకు బాగా క్రేజ్ వస్తుందని మూవీ యూనిట్ ఆకాంక్షిస్తోంది.

ఇక ఈ సినిమాలో సమంత హీరోయిన్ గా నటిస్తోంది. అలాగే బర్నింగ్ స్టార్ సంపూర్నేష్ బాబు కమెడియన్ పాత్రలో నటిస్తున్నాడు. ఏఅర్ మురుగదాస్ నిర్మిస్తున్న ఈ చిత్రాన్ని తెలుగు, తమిళ భాషల్లో ఈ సినిమా రూపొందుతుంది. త్వరలోనే మరిన్ని వివరాలు వెలువడి కానున్నాయి.