సూర్య మాస్ స్టైలిష్ లుక్ సూపర్బ్

Posted: 03/03/2015 10:40 AM IST

తమిళంలో ప్రముఖ దర్శకుడు వెంకట్ ప్రభు దర్శకత్వంలో సూర్య హీరోగా నటిస్తున్న ‘మాస్’ సినిమాను సూర్య స్వయంగా నిర్మిస్తున్నాడు. ఇపుడు ఈ చిత్రాన్ని కూడా ఈరోస్ సంస్థ దక్కించుకుంది. ఈ సినిమాను సూర్య మరియు ఈరోస్ సంస్థ సంయుక్తంగా ప్రపంచ వ్యాప్తంగా విడుదల చేయనున్నట్లుగా తెలిసింది.

కమర్షియల్ మాస్ మసాలా యాక్షన్ ఎంటర్ టైనర్ గా రూపొందుతున్న ‘మాస్’ సినిమాలో సూర్య ద్విపాత్రాభినయం చేస్తున్నాడు. సూర్య ఓ పవర్ ఫుల్ స్టైలిష్ మాస్ పాత్రలో కనిపించబోతున్నాడు. దీపావళి సంధర్భంగా ఈ చిత్రానికి సంబంధించిన సూర్య ‘మాస్’ ఫస్ట్ లుక్ ను విడుదల చేసారు.

ఈ ఫస్ట్ లుక్ కు భారీ స్పందన వచ్చింది. ఈ ఫస్ట్ లుక్ ను కాపీ కొట్టి, చాలా మంది హీరోల అభిమానులు అలాంటి ఫస్ట్ లుక్ లనే క్రియేట్ చేసేసుకున్నారు. అయితే తాజాగా ఈ చిత్రంలో సూర్యకు సంబంధించిన మరో లుక్ ను విడుదల చేసారు. ఈ లుక్ లో సూర్య చాలా స్టైలిష్ గా వున్నాడు.

ఈ సినిమాపై అంచనాలు భారీగా పెరిగిపోయాయి. సూర్య సరసన నయనతార, ప్రణీత హీరోయిన్లుగా నటిస్తున్నారు. ప్రస్తుతం ఈ చిత్ర షూటింగ్ శరవేగంగా జరుగుతోంది. ఈ చిత్రానికి యువన్ శంకర్ రాజా సంగీతం అందిస్తున్నాడు. ‘మాస్’ చిత్రం ఎలా వుండబోతుందని అటు కోలీవుడ్, ఇటు టాలీవుడ్ లో చర్చనీయాంశమైంది. మరి ఈ చిత్ర ట్రైలర్ విడుదలయ్యేవరకు వేచిచూడాల్సిందే. త్వరలోనే ఈ సినిమా ప్రేక్షకుల ముందుకు రానుంది.