మంచులక్ష్మీ దొంగాట ఫస్ట్ లుక్ అదుర్స్

Posted: 03/09/2015 10:36 AM IST

మంచులక్ష్మీ, అడవిశేష్ ప్రధాన పాత్రలలో నటిస్తున్న తాజా చిత్రం ‘దొంగాట’. ఈ చిత్ర టైటిల్ లోగోను ఇటీవలే విడుదల చేసారు. విద్యానిర్వాణ సమర్పణలో మంచు ఎంటర్ టైన్మెంట్స్ ప్రై.లిమిటెడ్ పతాకంపై మంచులక్ష్మీ స్వయంగా నిర్మిస్తున్న ఈ చిత్రానికి వంశీకృష్ణ దర్శకత్వం వహిస్తున్నాడు.

అయితే తాజాగా మహిళా దినోత్సవం సంధర్భంగా ఈ చిత్ర ఫస్ట్ లుక్ పోస్టర్ ను విడుదల చేసారు. ఈ పోస్టర్ లో చాలా స్టైలిష్ గా, బ్యూటీఫుల్ స్మైల్ తో ఆకట్టుకుంటోంది. ఇందులో ఓ స్పెషల్ సాంగ్ ను ఇటీవలే షూట్ చేసినట్లుగా తెలిసింది. ఈ పాటలో నాగార్జున, రవితేజ, తాప్సీ, మోహన్ బాబు, మనోజ్, విష్ణు, రానా, నాని, శింబు, ఛార్మి,  వెంకటేష్, సుశాంత్, సుధీర్ బాబు, నితిన్, నాగ చైతన్య తదితర హీరోహీరోయిన్లు ఆడిపాడినట్లుగా తెలిసింది.

క్రైమ్, కామెడీ థ్రిల్లర్ మూవీగా తెరకెక్కుతున్న ఈ చిత్ర షూటింగ్ శరవేగంగా జరుగుతోంది. ఈ సినిమాలో రానా ఓ కీలక పాత్రలో నటించాడు. త్వరలోనే షూటింగ్ పూర్తి చేసుకొని, ప్రేక్షకుల ముందుకు రావడానికి ‘దొంగాట’ టీం సిద్దమవుతోంది. త్వరలోనే మరిన్ని వివరాలు తెలియనున్నాయి.