బాహుబలి కోసం కైలాష్ స్పెషల్ సాంగ్

Posted: 03/23/2015 03:54 PM IST

ప్రముఖ బాలీవుడ్ సింగర్ కైలాష్ ఖేర్ మరోసారి ప్రభాస్ కోసం ఓ పాట పాడారు. ఈ మధ్య కైలాష్ పాడిన పాటలన్నీ కూడా తెలుగులో బ్లాక్ బస్టర్ హిట్టవుతున్నాయి. ‘అరుంధతి’లో ‘కమ్ముకున్నా...’, ‘మిర్చి’ లో ‘పండగలా దిగివచ్చావు...’ అనే పాటలు ఎంతగా పాపులర్ అయ్యాయో అందరికి తెలిసిందే. ఈ పాటలు పాడింది బాలీవుడ్ సింగర్ కైలాష్ ఖేర్. ‘మిర్చి’ సినిమాకు కైలాష్ ఖేర్ కు అవార్డు కూడా వచ్చింది.

అలాగే ఇటీవలే పవన్ కళ్యాణ్, వెంకటేష్ కలిసి నటించిన ‘గోపాల గోపాల’ సినిమాలో ఓ పాటను పాడారు. ఆ పాట కూడా మంచి ప్రజాధారణ పొందింది. కైలాష్ ఖేర్ బాలీవుడ్ సింగర్ అయినప్పటికీ.. తెలుగులో మంచి గుర్తింపు సంపాదించుకుంటున్నారు. అయితే తాజాగా ‘బాహుబలి’ సినిమాలో ఓ స్పెషల్ సాంగ్ ను పాడే అవకాశం దక్కించుకున్నాడు.

ప్రముఖ దర్శకుడు రాజమౌళి దర్శకత్వంలో తెరకెక్కుతున్న భారీ బడ్జెట్ చిత్రం ‘బాహుబలి’. యం.యం.కీరవాణి సంగీతం అందిస్తున్న ఈ చిత్రంలో ఓ స్పెషల్ సాంగ్ ను కైలాష్ ఖేర్ పాడారు. ఇప్పటికే ఈ సాంగ్ రికార్డింగ్ పూర్తయ్యింది. ‘బాహుబలి’ చిత్రంలో ప్రభాస్, అనుష్క, రానా, తమన్నా ప్రధాన పాత్రలలో నటించారు. భారీ అంచనాలతో తెరకెక్కుతున్న ఈ చిత్ర ఆడియోను వచ్చే నెల విడుదల చేయనున్నారు.