ప్రభాస్ కు చాలా సిగ్గుబాబోయ్.. మూడు రోజులు పట్టిందట!

Posted: 04/11/2015 01:38 PM IST

పవన్ కళ్యాణ్ నటించిన ‘కెమెరామెన్ గంగతో రాంబాబు’ చిత్రంలో ‘జరమొచ్చింది...’ అంటూ ఓ ఐటెం సాంగ్ లో భారీ అందాల ప్రదర్శన చేసిన హాట్ భామ స్కార్లెట్ విల్సన్ గుర్తుంది కదా! ఆ అమ్మడు ప్రభాస్ కు చాలా సిగ్గు అని చెబుతోంది. ప్రభాస్ చాలా సిగ్గుపడతాడని చెబుతోంది. ఇంతకీ ఏం జరిగిందని అనుకుంటున్నారా?

ప్రభాస్ నటిస్తున్న ‘బాహుబలి’ చిత్రం మొదటి భాగం షూటింగ్ ఇటీవలే పూర్తయ్యిన విషయం అందరికి తెలిసిందే. ఈ షూటింగ్ చివర్లో ప్రభాస్, స్కార్లెట్ విల్సన్, నోరా ఫతేహి, స్నేహా ఉపాధ్యాయలతో ఓ హాట్ ఐటెం సాంగ్ ను చిత్రీకరించారు. ఈ షూటింగ్ సమయంలో ప్రభాస్ ను స్కార్లెట్ బాగా దగ్గరుండి గమనించినట్లుగా వుంది. అందుకే ప్రభాస్ గురించి ఈ అమ్మడు పలు విషయాలను వెల్లడించింది.

ప్రభాస్ తో మాట్లాడటానికే తనకు 3 రోజుల సమయం పట్టిందని, ఎందుకంటే అతడు చాలా రిజర్వుడుగా వుంటాడని, పైగా ప్రభాస్ చాలా భోళామనిషి అంటూ ప్రశంసించింది. అతడితో కలిసి పనిచేయడం తనకు ఇదే తొలిసారి అని, ఈ సాంగ్ షూట్ చేయడానికి ఎనిమిది రోజుల పట్టిందని చెప్పుకొచ్చింది. అయితే షూటింగ్ చివరి రోజు ఓ సన్నీవేశం కోసం దాదాపు 20 టేకుల వరకు తీసుకున్నా కూడా ఎవరూ కూడా తనపై ఎలాంటి అసహానం అవడం, ఎలాంటి ఫిర్యాదులు చేయడం వంటివి చేయలేదని స్కార్లెట్ విల్సన్ చెప్పుకొచ్చింది.

ప్రస్తుతం ఈ అమ్మడు తెలుగులో పలు స్టార్ హీరోల చిత్రాల్లో హాట్ హాట్ సాంగులలో నటిస్తూ దూసుకుపోతుంది. ఇలాగే కొనసాగితే త్వరలోనే ముమైత్ ఖాన్ వలే ఈ అమ్మడు కూడా ఏదో ఒక సినిమాలో హాట్ హీరోయిన్ గా ఎంట్రీ ఇచ్చిన ఆశ్చర్యపోనవసరం లేదు. చూద్దాం.. మరి భవిష్యత్తులో ఏం జరుగనుందో.

Video courtesy: Puri Jagannadh