ఆ ‘ఫాస్ట్’ అనుభవాన్ని ఎంజాయ్ చేసిన చెర్రీ

Posted: 06/01/2015 11:33 AM IST

మెగాపవర్ స్టార్ రామ్ చరణ్ తేజ్ తన మూవీకి సంబంధించిన విషయాల్లో చాలా కేర్ తీసుకుంటాన్న విషయం తెలిసిందే! ఒకే తరహా ట్రెండ్ ఫాలో అవడం కాకుండా సరికొత్తగా ప్రయోగాలు చేస్తుంటాడు ఈ నటుడు. తనని తాను స్టైలిష్ గా మార్చుకోవడం, తనదైన మ్యానరిజంతో కొత్తగా యాక్షన్ పండించడం, ప్రేక్షకులు ఉర్రూతలూగేలా స్టెప్పులు వేయడం.. ఇలా ప్రతీ సినిమాలోనూ ఏదో ఒక వెరైటీతో ఈ హీరో ముందుకొస్తాడు. ఈ తరహాలోనే తాను నటిస్తున్న తాజా చిత్రంలో ‘ఫాస్ట్’ అనుభవాన్ని బాగానే ఎంజాయ్ చేసినట్లుగా చెర్రీ వెల్లడించాడు.

ప్రస్తుతం రామ్ చరణ్ తేజ్ హీరోగా శ్రీనువైట్ల దర్శకత్వంలో ఓ మూవీ తెరకెక్కుతున్న విషయం తెలిసిందే! ‘నా పేరు రాజు’ అనే టైటిల్ పరిశీలనలో వున్న ఈ చిత్రంలో రకుల్ ప్రీత్ సింగ్ హీరోయిన్ గా నటిస్తోంది. ఈ చిత్రం షూటింగ్ ఇటీవల యూరప్ లోని కొన్ని లొకేషన్లలో జరిగింది. ఈ షెడ్యూల్ లో కొన్ని సన్నివేశాలతోపాటు పాటలు కూడా అక్కడ షూట్ చేశారు. ఈ షూటింగ్ నేపథ్యంలో తాను చాలా బాగా ఎంజాయ్ చేశానని, చాలా కాలం తర్వాత తాను అక్కడ చిత్రీకరించిన పాటల్లో క్లిష్టపరమైన ఫాస్ట్ మూవ్ మెంట్స్ చేశానని చెర్రీ వెల్లడించాడు.

ఈ షూటింగ్ వ్యవహారం గురించి చరణ్ వెల్లడిస్తూ.. ‘అబ్రాడ్ లో తీసిన పాటలని బాగా ఎంజాయ్ చేశాను. చాలా కాలం తర్వాత వీటిలో ఫాస్ట్ డ్యాన్స్ చేశాను. ఈ మూవ్ మెంట్స్ క్లిష్టంగా వున్నప్పటికీ.. ఎంజాయ్ చేశాను. ఈ షెడ్యూల్ పూర్తి చేసుకుని, తదుపరి షెడ్యూల్ కోసం హైదరాబాద్ వస్తున్నాం’ అని తన ఫేస్ బుక్ లో పోస్ట్ చేశాడు.