మరో పెళ్లిపై రేణుదేశాయ్ హాట్ కామెంట్లు

Posted: 06/08/2015 05:04 PM IST

Renu desai hot tweets on second marriage

పవన్ కళ్యాణ్ హీరోగా నటించిన ‘బద్రి’ సినిమాతో హీరోయిన్ గా ఎంట్రీ ఇచ్చిన రేణు దేశాయ్... ఆ తర్వాత పవన్ తో దాదాపు 9ఏళ్లు సహజీవనం కొనసాగించి, ఆ తర్వాత ఓ బిడ్డకు జన్మనిచ్చిన తర్వాత వీరిద్దరూ పెళ్లి చేసుకున్న విషయం తెలిసిందే. ఆ తర్వాత మళ్లీ వీరిద్దరికి ఓ కూతురు పుట్టాక ఇటీవలే విడిపోయారు. ప్రస్తుతం రేణు తన ఇద్దరు పిల్లలు అకీరా, ఆద్యలతో కలిసి పూణెలో నివసిస్తుంది. అయితే పవన్ కళ్యాణ్ తో విడిపోయాక రేణు తన పిల్లలతోనే కాలం గడిపేస్తుంది.

కానీ ఇలా ఎంతకాలం.. ఎవరో ఒకరిని మళ్లీ పెళ్లి చేసుకోమంటూ అటు కుటుంబసభ్యులు, సన్నిహితులు, బంధువులు రేణూని తెగ ఇబ్బందిపెడుతున్నారట. కానీ మళ్లీ పెళ్లి చేసుకునే ప్రసక్తే లేదంటూ ఇప్పటికే రేణు స్పష్టం చేసింది. కానీ సోషల్ మీడియాలో ఎప్పుడూ అందుబాటులో వుండే రేణుకి.. తన సోషల్ మీడియా అభిమానుల నుంచి కూడా ఇలాంటి ప్రశ్నలే ఎదురవుతున్నాయి. దీంతో ఈ ప్రశ్నలన్నీంటికీ రేణు ఎంతో ఆవేదనతో ఓ క్లారిటీ ఇచ్చేసింది.

పిల్లలు వున్నా కూడా మగాళ్లు మళ్లీ పెళ్లి చేసుకున్న సమస్యేమి లేదు. కానీ మహిళల పరిస్థితి అలా కాదు. పిల్లలున్నప్పడు మహిళ మరో పెళ్లి చేసుకుంటే పెద్ద సమస్య అవుతుంది. బేసిగ్గా... తల్లిగా వుండాలంటే... ఆమె తన హ్యూమన్ ఎమోషన్స్ ను కలిగి వుండటం మానేయాలి అని రేణుదేశాయ్ తన సోషల్ మీడియా ట్విట్టర్ లో ట్వీట్ చేసింది. అలాగే ‘నేను ఇకపై ఎప్పటికీ మళ్లీ ప్రేమలో పడను...ఈ విషయం నన్ను ఎప్పుడు అడిగినా కూడా ప్రేమలో పడను, పడను అనే చెబుతాను' అంటూ రేణు దేశాయ్ ట్వీట్ చేసింది.

రేణు దేశాయ్ ట్వీట్స్ వెనుక ఓ ఆవేదన కనిపిస్తుంది. పవన్ తో విడిపోయాక తాను చాలా బాధపడుతున్నట్లుగా కనిపిస్తుంది. కానీ తన పిల్లలే ఇక తన ప్రపంచం అన్నట్లుగా జీవిస్తున్న రేణును చూసి అభిమానులు జాలీపడుతున్నారు. మరి ఈ విషయంపై ఎవరెలా స్పందిస్తారో ఏమో.