కన్ఫర్మ్: తిరుపతిలో ఈనెల 13న బాహుబలి ఆడియో విడుదల

Posted: 06/10/2015 10:02 AM IST

ప్రముఖ దర్శకుడు ఎస్.ఎస్.రాజమౌళి దర్శకత్వంలో యంగ్ రెబల్ స్టార్ ప్రభాస్ నటించిన ప్రతిష్టాత్మక చిత్రం ‘బాహుబలి’. ఈ చిత్రానికి ఎం.ఎం.కీరవాణి సంగీతం అందిస్తున్నాడు. ఈ చిత్ర ఆడియోను ఈనెల 13న తిరుపతిలోని శ్రీ వెంకటేశ్వర యూనివర్సిటీ గ్రౌండ్స్ లో భారీ ఎత్తున నిర్వహించబోతున్నారు.

భారీ బడ్జెట్ తో తెరకెక్కుతున్న ఈ చిత్రాన్ని ప్రముఖ ఆర్కా మీడియా సంస్థ ప్రతిష్టాత్మకంగా నిర్మిస్తుంది. ప్రభాస్, అనుష్క, రానా, తమన్నా ప్రధాన పాత్రలలో నటిస్తున్న ఈ చిత్రానికి సెంథిల్ కుమార్ సినిమాటోగ్రఫిని అందిస్తున్నారు. ఇక ‘బాహుబలి’ ట్రైలర్ విడుదలయ్యిందో లేదో కేవలం 24గంటల్లోనే రికార్డులన్నీ బద్దలు కొట్టేసి, కొత్త రికార్డులను సృష్టించింది.

కేవలం తెలుగులోనే కాకుండా తెలుగు, హిందీ, తమిళ భాషలలో కూడా ‘బాహుబలి’ ట్రైలర్ రికార్డులు క్రియేట్ చేస్తుంది. ‘బాహుబలి’ మొదటి పార్ట్ లో మొత్తం నాలుగు పాటలున్నాయి. ఈ చిత్రాన్ని జులై 10న ప్రపంచ వ్యాప్తంగా తెలుగు, తమిళ, హిందీ, మలయాళ భాషలలో గ్రాండ్ గా విడుదల చేయనున్నారు.