‘సైడ్ బిజినెస్’ పెట్టుకోవడానికి కారణం అదేనా?

Posted: 06/13/2015 10:49 AM IST

ప్రస్తుతరోజుల్లో ఇండస్ట్రీలో వున్న నటీనటులు ఓవైపు సినిమాలు చేస్తూనే మరోవైపు వ్యాపారరంగంలో అడుగిడుతున్నారు. కొందరు సొంతంగా ప్రొడక్షన్ హైసెస్, మరికొందరు వ్యాపారంగంలో పెట్టుబడులు పెట్టుకోవడం, ఇంకొందరు సొంతంగా షోరూమ్స్ ఓపెన్ చేసుకోవడం.. ఇలా ఏదో ఒక రంగంలో ప్రవేశిస్తున్నారు. ఇలా ఇప్పటికే మహేష్ ఓ సొంత బ్యానర్ పెట్టుకోగా.. తమన్నా ఆమధ్య తన తండ్రితో కలిసి జ్యువెల్లరీ షోరూమ్ ని ఓపెన్ చేసింది. ఇప్పుడు ఇదే బాటలో కాజల్ అగర్వాల్ కూడా పయనిస్తోందని సమాచారం!

బ్యూటీ ప్రొడక్ట్స్ కి సంబంధించిన షోరూమ్స్ ని దేశవ్యాప్తంగా ప్రారంభించడానికి కాజల్ సన్నాహాలు చేస్తోందని వార్తలొస్తున్నాయి. ఇప్పటికే ఇందుకు సంబంధించిన వ్యవహారాలు కాజల్ ముమ్మరం చేసిందని.. త్వరలోనే ఈ అమ్మడు అధికారికంగా వెల్లడిస్తుందని సన్నిహిత వర్గాలు పేర్కొంటున్నాయి. పైగా.. ఈ భామ గతకొన్నాళ్ల నుంచి కొన్ని బ్యూటీ ప్రోడక్ట్స్ కి బ్రాండ్ అంబాసిడర్ గా వ్యవహరిస్తూ వస్తోంది. అందులో లాభార్జన మార్గాన్ని తెలుసుకున్న ఈ అమ్మడు.. అందుకు సంబంధించి షోరూమ్స్ ని ప్రారంభించాలని నిర్ణయించుకున్నట్లు చెబుతున్నారు.

మరోవైపు.. కాజల్ కి ప్రస్తుతం తెలుగులో అంతగా ఆఫర్లు రావడం లేదు. అటు తమిళంలో మూడు సినిమాలతోపాటు హిందీలో ఓ మూవీతో బిజీగా గడుపుతోంది. అయితే.. ఈ మూవీల తర్వాత ఆమె చేతిలో మరే అవకాశాలు లేవు. గతంలోలాగే ఈమె సినీకెరీర్ అంత వేగంగా కాకుండా చాలా స్లోగా పరిగెడుతోంది. దీంతో ముందు జాగ్రత్తగా కెరీర్ లో సెటిలైపోయే భాగంగా అమ్మడు ఇలా బిజినెస్ పెడుతోందని చెప్పుకుంటున్నారు. ఇంతకీ కాజల్ ఈ షోరూమ్స్ ప్రారంభిస్తుందా..? లేదా..? అనేది తెలియాలంటే.. కొన్నాళ్లు ఆగాల్సిందే!