రేపే నయనతార మయూరి టీజర్ విడుదల

Posted: 06/17/2015 05:44 PM IST

Nayanthara mayuri first look teaser release date

తమిళంలో స్టార్ హీరోయిన్ గా కొనసాగుతున్న నయనతార నటిస్తున్న తాజా చిత్రం ‘మయూరి’. తమిళంలో ‘మాయ’ అనే పేరుతో తెరకెక్కిస్తున్నారు. ఒకేసారి రెండు భాషల్లో రూపొందుతోంది. షూటింగ్ మొత్తం పూర్తి చేసుకున్న ఈ సినిమా ప్రస్తుతం పోస్ట్ ప్రొడక్షన్ వర్క్ జరుగుతోంది.

అయితే ఈ చిత్ర ఫస్ట్ లుక్ టీజర్ ను రేపు చెన్నైలో విడుదల చేయనున్నారు. లేడి ఓరియెంటెడ్ హర్రర్, థ్రిల్లర్ మూవీగా రూపొందుతున్న ఈ చిత్రం ద్వారా అశ్విన్ శరవణన్ దర్శకుడిగా పరిచయమవుతున్నాడు. ఇందులో నయనతార ద్విపాత్రాభినయం చేసింది. అంతేకాకుండా పిల్లలకు తల్లిగా కూడా నటిస్తోంది.

త్వరలోనే ఈ చిత్రాన్ని తెలుగు, తమిళ భాషల్లో విడుదల చేయనున్నారు. మరి ‘అనామిక’ చిత్రం తర్వాత నయనతార మళ్లీ ఈ లేడి ఓరియెంటెడ్ చిత్రంలో నటిస్తుంది. మరి ఈ సినిమా ఎలాంటి విజయం సాధించనుందో త్వరలోనే తెలియనుంది.