పవర్ స్టార్ సర్దార్ కు కత్తిలాంటి హీరోయిన్ ఖరారు

Posted: 08/24/2015 12:51 PM IST

‘అత్తారింటికి దారేది’ తర్వాత పవర్ స్టార్ పవన్ కళ్యాణ్ హీరోగా నటిస్తున్న తాజా చిత్రం ‘సర్దార్ గబ్బర్ సింగ్’. ‘పవర్’ ఫేం దర్శకుడు బాబీ దర్శకత్వంలో తెరకెక్కుతున్న ఈ చిత్రాన్ని ప్రముఖ నిర్మాత శరత్ మరార్ భారీ బడ్జెట్ తో నిర్మిస్తున్నారు. దేవి శ్రీప్రసాద్ సంగీతం అందిస్తున్నారు.

అయితే ఈ సినిమాలో హీరోయిన్ గా ముందుగా అనీషా అంబ్రోస్ ను అనుకున్నారు. కానీ షూటింగ్ స్టార్ట్ అయ్యాక అనీషాను ఈ ప్రాజెక్టును నుంచి తప్పించినట్లుగా తెలిసింది. హీరోయిన్ గా పలు టాప్ స్టార్ భామల పేర్లు వినిపించాయి. సమంత, కాజల్, తమన్నా... ఇలా పలు భామల పేర్లు వినిపించాయి.

మొన్నటివరకు సమంతను ఈ సినిమాలో హీరోయిన్ గా ఎంపిక చేసినట్లు కూడా వార్తలొచ్చాయి. కానీ అవన్నీ కేవలం పుకార్లేనని తేలిపోయింది. ఇందులో పవన్ సరసన హీరోయిన్ గా కాజల్ అగర్వాల్ ను ఖరారు చేసారు. ఈ విషయాన్ని చిత్ర యూనిట్ తాజాగా అధికారికంగా ప్రకటించారు.

ప్రస్తుతం ఈ చిత్ర షూటింగ్ శరవేగంగా జరుగుతోంది. ఇప్పటికే విడుదలైన ఫస్ట్ లుక్ పోస్టర్ కు భారీ రెస్పాన్స్ వస్తోంది. అభిమానులు చాలా సంతోషంగా వున్నారు. హై వోల్టేజ్ యాక్షన్ ఎంటర్ టైనర్ గా రూపొందుతున్న ఈ చిత్రానికి దేవిశ్రీప్రసాద్ సంగీతం అందిస్తున్నాడు. త్వరలోనే ఈ చిత్రాన్ని ప్రేక్షకుల ముందుకు తీసుకురానున్నారు.