‘కుందనపు బొమ్మ’ పాటలు విడుదల

Posted: 08/31/2015 10:05 AM IST

కె.రాఘవేంద్ర రావు సమర్పణలో ఎస్.ఎల్.ఎంటర్ టైన్మెంట్స్ బ్యానర్ పై సుధాకర్ కొమాకుల, సుధీర్ వర్మ, చాందిని చౌదరి హీరోహీరోయిన్లుగా నటిస్తున్న తాజా చిత్రం ‘కుందనపు బొమ్మ’. ముళ్లపూడి వరా దర్శకత్వంలో తెరకెక్కుతున్న ఈ చిత్రాన్ని జి.అనిల్ కుమార్ రాజు, జి.వంశీకృష్ణ నిర్మిస్తున్నారు.

యం.యం.కీరవాణి సంగీతం అందిస్తున్న ఈ చిత్ర ఆడియోను నిన్న హైదరాబాద్ లో విడుదల చేసారు. ఆడియో సీడీలను కీరవాణి ఆవిష్కరించి శివశక్తిదత్తా, ఎస్.ఎస్.రాజమౌళిలకు అందజేసారు. రాజమౌళి థియేటర్ ట్రైలర్ ను విడుదల చేసారు. ఈ కార్యక్రమంలో చిత్ర యూనిట్ తో పాటు కె.విశ్వనాథ్, ప్రవీణ్ సత్తారు తదితరులు పాల్గొన్నారు. ఈ చిత్రాన్ని త్వరలోనే ప్రేక్షకుల ముందుకు తీసుకురానున్నారు.