త్రివిక్రమ్ నితిన్ సినిమా విశేషాలు

Posted: 08/31/2015 12:09 PM IST

‘సన్నాఫ్ సత్యమూర్తి’ తర్వాత ప్రముఖ దర్శకుడు త్రివిక్రమ్ శ్రీనివాస్ దర్శకత్వంలో నితిన్ హీరోగా ఓ చిత్రం తెరకెక్కబోతుందని గతకొద్ది రోజులు వార్తలొస్తున్న విషయం తెలిసిందే. ‘జులాయి’, ‘సన్నాఫ్ సత్యమూర్తి’ వంటి హిట్ చిత్రాలను నిర్మించిన హారిక అండ్ హాసిని క్రియేషన్స్ సంస్థ ప్రముఖ నిర్మాత రాధాకృష్ణ ఈ చిత్రాన్ని నిర్మించనున్నాడు.

తాజాగా నిర్మాత రాధాకృష్ణ ఈ చిత్రం విశేషాలను తెలియజేస్తూ.. సెప్టెంబర్ మూడో వారంలో షూటింగ్ ప్రారంభం కానుందని, సంక్రాంతి కానుకగా సినిమాను విడుదల చేయబోతున్నట్లుగా తెలిపారు. అలాగే ఈ చిత్రంలో నటించే నటీనటులు, సాంకేతిక నిపుణుల వివరాలను త్వరలోనే తెలియజేస్తామని ఆయన చెప్పుకొచ్చారు.

ఇందులో నితిన్ సరసన సమంత హీరోయిన్ గా నటించనుంది. ఈ చిత్రానికి అనిరుధ్ సంగీతం అందించనున్నాడని తెలిసిందే. త్వరలోనే ఈ చిత్రానికి సంబంధించిన అన్ని వివరాలు అధికారికంగా ప్రకటించనున్నారు.