అక్టోబర్ 10న ‘షేర్’ పాటల సందడి

Posted: 10/03/2015 10:13 AM IST

‘పటాస్’ వంటి భారీ బ్లాక్ బస్టర్ హిట్ చిత్రం తర్వాత నందమూరి కళ్యాణ్ రామ్ నటిస్తున్న తాజా చిత్రం ‘షేర్’. సాయి నిహారిక, శరత్ చంద్ సమర్పణలో విజయలక్ష్మీ పిక్చర్స్ బ్యానర్ పై మల్లికార్జున్ దర్శకత్వంలో రూపొందుతున్న ఈ చిత్రాన్ని కొమర వెంకటేష్ నిర్మిస్తున్నారు.

భారీ యాక్షన్ ఎంటర్ టైనర్ గా రూపొందుతున్న ఈ చిత్రానికి ఎస్.ఎస్.థమన్ సంగీతం అందిస్తున్నాడు. ఈ చిత్ర ఆడియోను ఈనెల 10వ తేదిన హైదరాబాద్ లోని పార్క్ హయాత్ హోటల్లో చాలా గ్రాండ్ గా విడుదల చేయబోతున్నారు. ఈ ఆడియో వేడుకకు యంగ్ టైగర్ ఎన్టీఆర్ ముఖ్య అతిథిగా విచ్చేయనున్నారు.

కళ్యాణ్ రామ్ సరసన సోనాల్ చౌహాన్ హీరోయిన్ గా నటిస్తుంది. ఇప్పటికే ఈ చిత్ర షూటింగ్ పూర్తయ్యింది. ప్రస్తుతం పోస్ట్ ప్రొడక్షన్ పనులు శరవేగంగా జరుగుతున్నాయి. అన్ని కార్యక్రమాలు పూర్తి చేసుకొని అక్టోబర్ 30వ తేదిన గ్రాండ్ గా ప్రపంచ వ్యాప్తంగా ఈ చిత్రాన్ని విడుదల చేయడానికి చిత్ర యూనిట్ ప్లాన్ చేస్తున్నారు.